കരുണയില്ലാതെ ഉടമ ഉപേക്ഷിച്ചു; ആശ്വാസവുമായി മൃഗസ്നേഹികളെത്തി


പൂത്തോളിൽ ബുധനാഴ്‌ച അവശനിലയിൽ കണ്ടെത്തിയ നായയ്ക്ക് കൊക്കാല മൃഗാശുപത്രിയിൽ ചികിത്സ നൽകുന്നു | ഫോട്ടോ: ജെ. ഫിലിപ്പ്

തൃശ്ശൂർ: പ്രായാധിക്യം കാരണം അവശനിലയിലായ മുന്തിയ ഇനം നായയെ ഉടമ ഉപേക്ഷിച്ചു. പണം വാങ്ങി നായയെ ഉപേക്ഷിക്കാൻ കൊണ്ടുപോയയാളും കരുണ കാണിച്ചില്ല. വലിച്ചിഴച്ചുകൊണ്ടുപോയപ്പോൾ നായയുടെ നഖമിളകി ചോരയൊലിച്ചു. ഒടുവിൽ മൃഗസ്‌നേഹികളുടെ സംഘടനയായ പോസ് പോലീസ് സഹായത്തോടെ ഏറ്റെടുത്ത് ചികിത്സ നൽകി. ഉടമയ്ക്കെതിരേ അവർ പോലീസിൽ പരാതി നൽകിയിട്ടുണ്ട്.

നിയോ പൊളിറ്റൻ മാസ്റ്റിഫ്‌ എന്നയിനം നായയ്ക്ക് ആറുവയസ്സുണ്ട്‌. പത്ത്‌ കിലോമീറ്ററുകളോളം നടന്ന് ക്ഷീണിച്ച് നായ തളർന്നുവീഴുകയായിരുന്നു. കാലിന് അടിയിൽ മുറിവുണ്ടാവുകയും നഖം അടർന്നുപോവുകയും ചെയ്തു. പോസിന്റെ ചെറുമുക്കിലെ അഭയകേന്ദ്രത്തിലാണിപ്പോൾ അവൻ. പ്രായത്തിന്റേതായ അവശതകളുണ്ടെങ്കിലും ചികിത്സ കഴിഞ്ഞപ്പോൾ അവൻ ഉഷാറായിത്തുടങ്ങി. ആളുകൾ അടുത്തെത്തുമ്പോൾ കുരയ്ക്കുന്നുമുണ്ട്. മൂത്രതടസ്സമുണ്ടായിരുന്നെന്ന് പോസ് സംഘടനാസ്ഥാപക പ്രീതി ശ്രീവത്സനും സെക്രട്ടറി കണ്ണനും പറഞ്ഞു.

കൊക്കാല മൃഗാശുപത്രിയിലെത്തിക്കുമ്പോൾ ദൈന്യതയും നിസ്സഹായതയും നിറഞ്ഞ നോട്ടം മാത്രമായിരുന്നു പ്രതികരണം. മൂത്രം പോവാതെ മൂത്രാശയം നിറഞ്ഞുനിന്നിരുന്നതിനാൽ കത്തീറ്റർ ഇട്ട് മൂത്രം പുറത്തുകളഞ്ഞു. ശരീരത്തിൽ മുഴകളുള്ളതിനാൽ കുത്തിയെടുത്ത സ്രവം വെറ്ററിനറി കോളേജിലെ പത്തോളജി ലാബിലേയ്ക്കയച്ചതായി കൊക്കാല വെറ്ററിനറി ആശുപത്രിയിലെ അസി. പ്രൊഫസർ ഡോ. റെജി വർഗീസ് പറഞ്ഞു. നായയ്ക്ക് നടുവിനും അരക്കെട്ടിനും തകരാറുമുണ്ട്.

കുഞ്ഞുങ്ങൾക്ക് അരലക്ഷം വരെ വിലയുള്ളതാണ് ഈ ഇനം നായകൾ. ശരാശരി പത്തുകൊല്ലമാണ് ആയുസ്സ്.

Content Highlights: Dog, which was abandoned by the owner, was taken over by animal lovers


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


sreenath bhasi

1 min

അവതാരകയെ അപമാനിച്ച കേസ്; ശ്രീനാഥ് ഭാസിയെ ജാമ്യത്തില്‍വിട്ടു, കേസുമായി മുന്നോട്ടെന്ന് പരാതിക്കാരി

Sep 26, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022

Most Commented