ലഹരിക്കെതിരെ സിക്‌സര്‍; ഗ്രാമത്തെ മയക്കുമരുന്ന് മുക്തമാക്കിയതിന് പിന്നാലെ ആവേശപ്പോരാട്ടം


ലഹരിക്കെതിരേ കൊളവയൽ ഗ്രാമത്തിൽ നടന്ന ക്രിക്കറ്റ് ടൂർണമെന്റിന് ആവേശം പകരാൻ കാഞ്ഞങ്ങാട് ഡിവൈ.എസ്.പി. പി. ബാലകൃഷ്ണൻ നായർ ബാറ്ററായപ്പോൾ

കാഞ്ഞങ്ങാട്: പിച്ചില്‍ പന്തെറിയുമ്പോഴും അതിനെ ബൗണ്ടറി കടത്തുമ്പോഴും ഉയര്‍ന്ന കൈയടികളത്രയും ലഹരിക്കെതിരേയുള്ളതായിരുന്നു. മാസങ്ങളോളം ലഹരിക്കെതിരേ നടത്തിയ പോരാട്ടത്തിന്റെ അതേ വീറും വാശിയും ക്രിക്കറ്റിലെ എറ്റുമുട്ടലിലും കണ്ടു.

മയക്കുമരുന്നിനെ തുരത്താന്‍ ഒപ്പംനിന്ന പോലീസിനെയും മറികടന്ന കളിയാവേശം. അജാനൂര്‍ പഞ്ചായത്തിലെ കൊളവയല്‍ ഗ്രാമത്തെ മയക്കുമരുന്ന് മുക്തമാക്കിയതിന്റെ സന്തോഷം പങ്കിട്ടും ലഹരിക്കെതിരേയുള്ള സന്ദേശമുയര്‍ത്തിയും നടന്ന ക്രിക്കറ്റ് മത്സരമാണ് നാടിന് ആവേശമായത്.



മയക്കുമരുന്നല്ല, ക്രിക്കറ്റും ഫുട്ബോളുമുള്‍പ്പെടെയുള്ള കളിയും കലയുമൊക്കെയാണ് യഥാര്‍ഥ ലഹരിയെന്ന് പറഞ്ഞാണ് ക്രിക്കറ്റ് ടൂര്‍ണമെന്റ് നടത്തിയത്. അജ്മാസ് ഇഖ്ബാല്‍ നഗര്‍, ഹൊസ്ദുര്‍ഗ് പോലീസ് ടീം, ബ്രദേഴ്‌സ് കൊളവയല്‍, സഫറോണ്‍, ഇട്ടമ്മല്‍ പാട്യം ഗോപാലന്‍ ക്ലബ്, കൊളവയല്‍ സൂപ്പേഴ്‌സ്, കാറ്റാടി ജനശക്തി, ഇഖ്ബാല്‍ സ്‌കൂള്‍ എന്‍.എസ്.എസ്. ടീം എന്നിവരാണ് മാറ്റുരച്ചത്.

ലീഗ് മത്സരത്തിനൊടുവില്‍ സിവില്‍ പോലീസ് ഓഫീസര്‍ പി. ജിതിന്‍ മോഹന്‍ ക്യാപ്റ്റനായ ഹൊസ്ദുര്‍ഗ് പോലീസ് ടീമും ടി.കെ. അസഹ്റുദ്ദീന്‍ ക്യാപ്റ്റനായ അജ്മാസ് ഇഖ്ബാല്‍ നഗറും ഫൈനലിലെത്തി. ഫൈനല്‍ മത്സരത്തില്‍ രണ്ടു ബോള്‍ ബാക്കി നില്‍ക്കെ, അജ്മാസ് ടീം വിജയിച്ചു. രാവിലെ അജാനൂര്‍ ഗ്രാപ്പഞ്ചായത്ത് വൈസ് പ്രസിഡന്റ് കെ. സബീഷ് ഉദ്ഘാടനം ചെയ്തു.

സമാപനച്ചടങ്ങിനു മുന്നോടിയായി കാഞ്ഞങ്ങാട് ഡിവൈ.എസ്.പി. പി. ബാലകൃഷ്ണന്‍ നായരും എസ്.ഐ. കെ.പി. സതീഷും നാട്ടുകാരായ സുറൂര്‍ മൊയ്തുഹാജി, എ. ഹമീദ്ഹാജി, വാര്‍ഡ് മെമ്പര്‍മാരായ സി.എച്ച്. ഹംസ, ഇബ്രാഹീം ആവിക്കര, കൊളവയല്‍ ലഹരിമുക്ത സമിതി ചെയര്‍മാന്‍ എം.വി. നാരായണന്‍, ഷംസുദ്ദീന്‍ കൊളവയല്‍, ജനമൈത്രി പോലീസുകാരായ കെ. രഞ്ജിത്ത്, ടി.വി. പ്രമോദ് തുടങ്ങിയവരും കളത്തിലിറങ്ങി. ഷംസുദ്ദീന്‍ പാലക്കിയെറിഞ്ഞ ബോളിനെ ഡിവൈ.എസ്.പി. ബൗണ്ടറി കടത്തിയപ്പോള്‍, ആവേശത്തോടെ ജനം ഉറക്കെ പറഞ്ഞു, 'ഇതാണ് ലഹരി...'

Content Highlights: cricket match held to raise the message against drugs


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


photo: twitter/Wandering Van

1 min

'ഇത് ശരിക്കും റൊണാള്‍ഡോ, മറ്റേത് ആരാധകന്‍'; വൈറലായി വീഡിയോ

Nov 28, 2022

Most Commented