പാണാവള്ളി പുതുവൽപറമ്പിൽ സജിമോന്റെ ശവസംസ്‌കാരം അരൂക്കുറ്റി പൊതുശ്മശാനത്തിൽ സന്നദ്ധപ്രവർത്തകരായ യുവാക്കളുടെ നേതൃത്വത്തിൽ നടക്കുന്നു | ഫോട്ടോ: മാതൃഭൂമി
പൂച്ചാക്കല്‍: കോവിഡ് പേടിയില്‍ ആ യുവാക്കള്‍ മടിച്ചുനിന്നില്ല. തങ്ങളുടെ കൂട്ടുകാരന്റെ മൃതദേഹം യുവാക്കള്‍ ഏറ്റുവാങ്ങി സംസ്‌കരിച്ചു. പാണാവള്ളി പഞ്ചായത്ത് ആറാംവാര്‍ഡില്‍ പുതുവല്‍പറമ്പില്‍ സജിമോന്റെ (50) മൃതദേഹമാണ് ഡി.വൈ.എഫ്.ഐ. തൃച്ചാറ്റുകുളം മേഖലാ കമ്മിറ്റി പ്രവര്‍ത്തകര്‍ പി.പി.ഇ. കിറ്റ് ധരിച്ച് സംസ്‌കരിച്ചത്.
രണ്ടുദിവസം മുന്‍പ് വിഷക്കായ കഴിച്ചാണ് സജിമോന്‍ മരിച്ചത്. തുടര്‍ന്നു നടത്തിയ പരിശോധനയില്‍ കോവിഡ് സ്ഥിരീകരിച്ചിരുന്നു. ഇലക്ട്രോണിക് മെക്കാനിക്കായിരുന്നു സജിമോന്‍. കളമശ്ശേരി മെഡിക്കല്‍ കോളേജില്‍ പോസ്റ്റുമോര്‍ട്ടത്തിനുശേഷം കഴിഞ്ഞദിവസം മൃതദേഹം അരൂക്കുറ്റി പൊതുശ്മശാനത്തില്‍ എത്തിച്ചപ്പോഴാണ് പാണാവള്ളിയിലെ ഡി.വൈ.എഫ്.ഐ.പ്രവര്‍ത്തകരായ മണികണ്ഠന്‍, പ്രദീപ് (പ്രകല്‍), രതീഷ് പൊന്നപ്പന്‍, സ്വരാജ് എന്നിവര്‍ പി.പി.ഇ.കിറ്റ് ഉള്‍പ്പെടെയുള്ള സുരക്ഷാമാര്‍ഗങ്ങള്‍ ധരിച്ച് മൃതദേഹം ഏറ്റുവാങ്ങി സംസ്‌കാരം നടത്തിയത്.
പാണാവള്ളി പഞ്ചായത്ത് പ്രസിഡന്റ് പ്രദീപ് കൂടയ്ക്കല്‍, പഞ്ചായത്തംഗം ഷിബു, ആരോഗ്യപ്രവര്‍ത്തകര്‍ തുടങ്ങിയവര്‍ നേതൃത്വംനല്‍കി.
Also Watch
RELATED STORIES
IN CASE YOU MISSED IT
.jpg?$p=cf32acb&f=1x1&w=100&q=0.8)
.jpg?$p=2a2b9d2&q=0.8&f=16x11&w=104)
.jpg?$p=79c0b37&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..