ജോണിയുടെ കഷ്ടപ്പാട് നോവായി; പാര്‍ക്കാന്‍ സ്‌നേഹക്കൂരയൊരുക്കി ഇടവക


ജോണിക്കായി ഇടവകക്കാർ ഒരുക്കിയ വീട്

തൊടുപുഴ: കലയന്താനി സെന്റ് മേരീസ് ഇടവക സെമിത്തേരിയിലെ കുഴിവെട്ടുന്ന ജോലിചെയ്യുന്ന ജോണിക്ക് സ്വന്തമായിട്ട് നല്ലൊരു വീടില്ലാത്തതായിരുന്നു ഏറ്റവും വലിയ വിഷമം. ഭാര്യയും പ്രായമായ രണ്ടു പെണ്‍കുട്ടികളുമായി ചോര്‍ന്നൊലിക്കുന്നതും നിലംപൊത്താറായതുമായ കൂരയില്‍ കഴിഞ്ഞിട്ടും തന്റെ വിഷമങ്ങള്‍ ആരോടും പറഞ്ഞില്ല.

എന്നാല്‍, ഒരിക്കല്‍ വീട് സന്ദര്‍ശനത്തിനെത്തിയ ഇടവക വികാരിയുടെ മനസ്സില്‍നിന്ന് ആ വീടിന്റെ ദയനീയ ചിത്രം മാഞ്ഞില്ല. ജോണിക്കൊരു കൂരയുണ്ടാക്കി കൊടുക്കാമെന്ന ആശയം ഇടവകക്കാരുമായി പങ്കുവെച്ചപ്പോള്‍ എല്ലാവര്‍ക്കും സമ്മതം.

ഒടുവില്‍ എല്ലാവരുടെയും സഹായവും പ്രയത്‌നവുംകൊണ്ട് വീടൊരുങ്ങിയപ്പോള്‍ ജോണിക്ക് ഈ ലോകം തന്നെ കൈപ്പിടിയിലൊതുക്കിയ സന്തോഷമായിരുന്നു. പള്ളിവികാരി ഫാ.ജേക്കബ് തലപ്പിള്ളിയുടെ മനസ്സില്‍ ഉദിച്ച ആശയം കോവിഡ് പ്രതിസന്ധിക്കിടയിലും ഇടവക ജനം ഒന്നാകെ ഏറ്റെടുത്തു.

കഴിഞ്ഞ ദിവസം വികാരി വീടിന്റെ താക്കോല്‍ ജോണിക്കും കുടുംബത്തിനും കൈമാറി. ജോണിയുടെ പിതാവ് മാണിയപ്പാപ്പനും പള്ളിയിലെ സെമിത്തേരി ജോലികള്‍ ചെയ്തിരുന്നയാളാണ്. അദ്ദേഹത്തിന്റെ മരണശേഷം ആ ജോലി ഏറ്റെടുക്കുമ്പോഴും നല്ലൊരു വീടെന്ന സ്വപ്നം അകലെയായിരുന്നു. പക്ഷേ, തങ്ങള്‍ക്ക് സേവനം ചെയ്യുന്നയാളെ ആ ഇടവക കൈവിട്ടില്ല. 77 ദിവസംകൊണ്ടാണ് വീടുപണി പൂര്‍ത്തിയാക്കിയത്.

അസി.വികാരി ഫാ.ജോസഫ് കുന്നുംപുറത്ത്, ഹൈസ്‌കൂള്‍ പ്രഥമാധ്യാപകന്‍ ഫാ.ആന്റണി പുലിമല, സ്‌കൂള്‍ ജീവനക്കാര്‍, കോണ്‍വെന്റിലെ സിസ്റ്റേഴ്‌സ് എന്നിവരും സഹായവുമായി ഒപ്പമുണ്ടായിരുന്നു.

വീണ്ടുമൊരു മിന്നുകെട്ട്

വര്‍ഷങ്ങള്‍ക്ക് മുന്‍പ് തന്റെ ഒറ്റപ്പെട്ട ജീവിതത്തിരക്കിനിടയില്‍ ആകസ്മികമായി കടന്നുവന്ന ഭാര്യ ബീനയെ പ്രാരബ്ധങ്ങള്‍ക്കിടയില്‍ സഭയുടെ ആചാരപ്രകാരം താലിചാര്‍ത്താന്‍ ജോണിക്ക് കഴിഞ്ഞിരുന്നില്ല.

johny
ഭാര്യ ബീനയെ ജോണി വീണ്ടും മിന്നുചാര്‍ത്തിയപ്പോള്‍

വീടുപണിയോടൊപ്പം ഇടവക കൂടെനിന്ന് ആ കര്‍മവുമങ്ങ് നടത്തിക്കൊടുത്തു. ഫാ.ജേക്കബ് തലപ്പിള്ളിയുടെ കാര്‍മികത്വത്തില്‍ സെന്റ് മേരീസ് പള്ളിയില്‍വെച്ച് ബീനയ്ക്ക് താലിചാര്‍ത്തി. മക്കളുടെ സാന്നിധ്യത്തിലായിരുന്നു വിവാഹം.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ashraf tharasseri

2 min

'ബാധ്യതയെല്ലാം തീര്‍ത്തപ്പോള്‍ വേണ്ടപ്പെട്ടവര്‍ക്ക് ഞാനൊരു ബാധ്യതയായി'; അറംപറ്റിയതുപോലെ ആ വാക്കുകള്‍

Jul 5, 2022


Thalassery Overbury's Foley

1 min

തലശ്ശേരി പാര്‍ക്കിലെ കമിതാക്കളുടെ ഒളിക്യാമറ ദൃശ്യം പോണ്‍ സൈറ്റുകളില്‍; അപ്‌ലോഡ് ചെയ്തവരെ തേടി പോലീസ്

Jul 4, 2022


pinarayi and saji cheriyan

1 min

അപ്രതീക്ഷിത വിവാദം; മന്ത്രി സജി ചെറിയാനെ മുഖ്യമന്ത്രി വിളിപ്പിച്ചു, തിരക്കിട്ട ചര്‍ച്ചകള്‍

Jul 5, 2022

Most Commented