ഇക്കാര്യങ്ങള്‍ ശ്രദ്ധിക്കാം... വീട് കൊറോണവൈറസ് വിമുക്തമാക്കാം


ഇടയ്ക്കിടെ വീടിനെയും അണുവിമുക്തമാക്കാന്‍ മറക്കേണ്ട.

Photo: Pixabay

കോവിഡ്-19 പടര്‍ന്ന് പിടിക്കുമ്പോള്‍ നമ്മുടെ വ്യക്തി ശുചിത്വത്തെ പറ്റിയുള്ള അറിയിപ്പുകളാണ് എവിടെയും. മാസ്‌ക് ധരിക്കാനും ഹസ്തദാനം ഒഴിവാക്കാനും... അങ്ങനെ പലതും. ഇതിനിടയില്‍ ഇടയ്ക്കിടെ വീടിനെയും അണുവിമുക്തമാക്കാന്‍ മറക്കേണ്ട.

എ​പ്പോഴും തൊടുന്ന ഇടങ്ങള്‍ ആദ്യം അണുവിമുക്തമാക്കാം

കതകിന്റെ പിടികള്‍, കാബിനറ്റ് ഹാന്‍ഡിലുകള്‍, ഫ്രിഡ്ജ് ഡോര്‍, സിങ്ക്, റിമോട്ട് കണ്‍ട്രോള്‍... ഏറ്റവും കൂടുതല്‍ രോഗാണുക്കള്‍ പറ്റിപ്പിടിക്കുന്ന ഇടങ്ങളില്‍ ചിലതാണ് ഇവ. പുറത്തൊക്കെ പോയി വന്നാല്‍ വൃത്തിയാക്കാത്ത കൈകൊണ്ട് ഇതില്‍ എല്ലാം തൊടുകയും ചെയ്യും. അതുകൊണ്ട് ആദ്യം അണുവിമുക്തമാക്കേണ്ടത് ഈ സ്ഥലങ്ങളാണ്. നല്ല അണുനാശിനി ഉപയോഗിച്ച് ദിവസവും രണ്ട് നേരവും ഇപ്പറഞ്ഞ സ്ഥലങ്ങള്‍ തുടയ്ക്കാം.

അണുനാശിനി സ്‌പ്രെ ചെയ്യാം

കൗച്ച്, സോഫ പോലുള്ളവ വെറുതേ തുടച്ചാല്‍ മാത്രം അണുവിമുക്തമാകില്ല. പകരം അണുനാശിനികളേതെങ്കിലും സ്‌പ്രേ ചെയ്യാം. സ്‌പ്രേ ഉപയോഗിക്കുമ്പോള്‍ അണുനാശിനി എല്ലാഭാഗത്തും എത്തും. അണുനാശിനി ഉണങ്ങിയ ശേഷം മാത്രം കൗച്ചില്‍ ഇരിക്കാം.

ടേബിള്‍, കൗണ്ടര്‍ടോപ്പ്‌സ്, ബെഡ് ഇവയിലും ഇത്തരം അണുനാശിനികള്‍ സ്‌പ്രേചെയ്യാം. വൈപ്പുകള്‍ തീര്‍ന്നാല്‍ വൃത്തിയുള്ള പേപ്പറിലോ തുണിയിലോ അണുനാശിനി സ്‌പ്രേ ചെയ്ത് അവ വൈപ്പുകള്‍ക്ക് പകരം ഉപയോഗിക്കാം.

തറ വൃത്തിയാക്കാന്‍ ബ്ലീച്ച് മിശ്രിതം

പുറത്ത് പോകുമ്പോള്‍ ധാരാളം രോഗാണുക്കള്‍ നമ്മുടെ കാലില്‍ കയറികൂടിയിട്ടുണ്ടാവും. ഇവ നമുക്കൊപ്പം വീടിനുള്ളിലേയ്ക്ക് സുഖമായി എത്തുകയും ചെയ്യും. ബാത്ത് റൂമിന്റെയും അടുക്കളയുടെയും തറ ബ്ലീച്ച് മിശ്രിതം ഉപയോഗിച്ച് വൃത്തിയാക്കാം. ഒരു കപ്പ് ബ്ലീച്ച് ആവശ്യത്തിന് വെള്ളത്തില്‍ കലക്കിയാല്‍ മിശ്രിതം റെഡി.

എന്നാല്‍ തടികൊണ്ടുള്ള തറയില്‍ ബ്ലീച്ച് പാടില്ല. പകരം അരക്കപ്പ് വൈറ്റ് വിനഗര്‍ നാല് ലിറ്റര്‍ വെള്ളത്തില്‍ കലര്‍ത്തിയ മിശ്രിതം ഇതിനായി ഉപയോഗിക്കാം.

ഹൈഡ്രജെന്‍ പെറോക്‌സൈഡ്

വെറുതേ പല്ലും നഖവുമൊക്കെ വൃത്തിയാക്കാന്‍ മാത്രമല്ല, ഹൈഡ്രജന്‍ പെറോക്‌സൈഡ് ഒന്നാന്തരം അണുനാശിനിയാണ്. സിങ്ക്, ടോയിലറ്റ് ടോപ്പ് എന്നിവിടങ്ങളില്‍ ഇത് നേരിട്ട് ഒഴിക്കുക. പതിനഞ്ച് മിനിട്ടിന്‌ശേഷം വൃത്തിയായി കഴുകാം.

Content Highlights: Sanitize your home from corona virus


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

07:19

വീട്ടിലേക്കും വൈദ്യുതി എടുക്കാം, ആയാസരഹിതമായ ഡ്രൈവിങ്, മലയാളിയുടെ സ്റ്റാര്‍ട്ടപ് വിപ്ലവം | E-Auto

Dec 7, 2022


ജിനേഷ്‌

2 min

പീഡനക്കേസില്‍ പിടിയിലായ DYFI നേതാവിന്റെ ഫോണില്‍ 30 ഓളം സ്ത്രീകളുമായുള്ള വീഡിയോകള്‍,ലഹരിക്കൈമാറ്റം

Dec 7, 2022


35:54

പാട്ടുകള്‍ ഹിറ്റാണ് പാട്ടുകാരിയോ?; മാറ്റിനിര്‍ത്തിയാല്‍ ഒരു 'ചുക്കുമില്ലെ'ന്ന് പുഷ്പവതി

Dec 6, 2022

Most Commented