Photo: Gettyimages.in
ഫ്രിഡ്ജ് തുറക്കുമ്പോൾ ദുർഗന്ധം അനുഭവപ്പെടുന്നുണ്ടോ? ബാക്കി വന്ന ഭക്ഷണസാധനങ്ങളും പഴങ്ങളും പച്ചക്കറികളുമൊക്കെയാവാം അതിനു കാരണം. വീട്ടിൽ തന്നെ ചെയ്യാവുന്നൊരു എളുപ്പവഴി കൊണ്ട് ഫ്രിഡ്ജിലെ ദുർഗന്ധം അകറ്റാനാവും. വീട്ടിൽ തന്നെ തയ്യാറാക്കാവുന്നൊരു സ്പ്രേ ഉപയോഗിച്ച് ഫ്രിഡ്ജ് വൃത്തിയാക്കും വിധം പരിചയപ്പെടാം.
ഹോം ടിപ്സ് വീഡിയോകളിലൂടെ ഇൻസ്റ്റഗ്രാമിൽ പ്രശസ്തയായ ചാന്റൽ മില എന്ന യുവതിയാണ് ഇതുസംബന്ധിച്ച വീഡിയോ പങ്കുവച്ചിരിക്കുന്നത്. ഹോം മെയ്ഡ് സ്പ്രേ ഉപയോഗിച്ച് ഫ്രിഡ്ജ് വൃത്തിയാക്കുന്നതിന്റെ വീഡിയോയും മില പങ്കുവച്ചിട്ടുണ്ട്. മൂന്നു സാധനങ്ങളാണ് ഈ സ്പ്രേ തയ്യാറാക്കുന്നതിന് ആവശ്യം. ഇളം ചൂടു വെള്ളം, വിനാഗിരി, വനിലാ എക്സ്ട്രാക്റ്റ് എന്നിവയാണവ.
ഒരു കപ്പ് ഇളം ചൂടുവെള്ളത്തിലേക്ക് കാൽ കപ്പ് വിനാഗിരിയും രണ്ട് ടീസ്പൂൺ വനില സത്തും ചേർക്കുക. ശേഷം ഈ മിശ്രിതം ഒരു സ്പ്രേ ബോട്ടിലിലേക്ക് ഒഴിക്കുക. ഇനി ഫ്രിഡ്ജിലെ ഷെൽഫുകളിലും വൃത്തിയാക്കേണ്ട ഭാഗങ്ങളിലും സ്പ്രേ ചെയ്യുക. മൈക്രോഫൈബർ തുണി ഉപയോഗിച്ച് തുടയ്ക്കുക. വിനാഗിരിയും വനില സത്തും ദുർഗന്ധം അകറ്റി ഫ്രിഡ്ജിൽ ഊഷ്മളമായ ഗന്ധം നിലനിർത്തുമെന്നും മില പറയുന്നു.
Content Highlights: How to Stop the Unpleasant Odour in Refrigerator
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
.jpg?$p=4aa699d&f=1x1&w=100&q=0.8)
IN CASE YOU MISSED IT
.jpg?$p=55ebe4c&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..