നാട് കൈത്താങ്ങായി; പാപ്പച്ചനും ലീലയ്ക്കും ഇനി അടച്ചുറപ്പുള്ള വീട്ടിൽ അന്തിയുറങ്ങാം


ആദ്യകാല കര്‍ഷകനും 1973-ലെ ഗൂഡല്ലൂര്‍ കുടിയിറക്ക് സമരനായകനും പോലീസിന്റെ ക്രൂരമായ മര്‍ദനത്തിനിരയുമായിരുന്നു സി.ടി. പാപ്പച്ചന്‍.

സി.പി.എം. ജില്ലാസെക്രട്ടറി വി.എ. ഭാസ്കരൻ സി.ടി. പാപ്പച്ചന് വീടിന്റെ താക്കോൽ കൈമാറുന്നു

ഗൂഡല്ലൂര്‍: അയ്യന്‍കൊല്ലിയിലെ ആദ്യകാല കര്‍ഷക, രാഷ്ട്രീയ പ്രവര്‍ത്തകന്‍ സി.ടി. പാപ്പച്ചനും (പൈലി) ഭാര്യ ലീലയ്ക്കും ഇനി സങ്കടകഥകള്‍ മറന്ന് അടച്ചുറപ്പുള്ള വീട്ടില്‍ കഴിയാം.

സി.പി.എം. നേതാക്കള്‍ മുന്‍കൈയെടുത്ത് നിര്‍മിച്ചുനല്‍കിയ വീടിന്റെ താക്കോല്‍ പാപ്പച്ചന് കൈമാറി. ഇതോടെ ജീര്‍ണിച്ച്, ഇടിഞ്ഞുവീഴാറായ, ചോര്‍ന്നൊലിക്കുന്ന മണ്‍വീട്ടില്‍ നിന്നും കെട്ടുറപ്പുള്ള വീട്ടിലേക്ക് പാപ്പച്ചന്റെ ജീവിതവും പറിച്ചുനട്ടു.

കോവിഡ് പടര്‍ന്നുപിടിച്ച 2019 മാര്‍ച്ചിലെ ലോക്ഡൗണ്‍ കാലത്ത് പച്ചക്കറിക്കിറ്റുമായി എത്തിയ സി.പി.എം. നേതാവ് കെ. അച്യുതന്‍മാസ്റ്ററോടും കൂടെയുള്ളവരോടും വീടിന്റെ ദുരവസ്ഥയെക്കുറിച്ച് പറഞ്ഞതോടെയാണ് പാപ്പച്ചന് പുതിയ വീടൊരുങ്ങിയത്.

ആദ്യകാല കര്‍ഷകനും 1973-ലെ ഗൂഡല്ലൂര്‍ കുടിയിറക്ക് സമരനായകനും പോലീസിന്റെ ക്രൂരമായ മര്‍ദനത്തിനിരയുമായിരുന്നു സി.ടി. പാപ്പച്ചന്‍. പാപ്പച്ചന്റെയും കുടുംബത്തിന്റെയും ദുരവസ്ഥ മാതൃഭൂമി 2020 ജനുവരി 28-ന് വാര്‍ത്തയായി നല്‍കിയിരുന്നു. സി.പി.എം. എരുമാട് ഏരിയാകമ്മിറ്റിയുടെ നേതൃത്വത്തിലാണ് വീടു നിര്‍മിക്കാന്‍ സഹായധനശേഖരണം നടത്തിയത്. സി.പി.എം. നേതാവ് കെ. അച്യുതന്‍മാസ്റ്റര്‍, അയ്യന്‍കൊല്ലി ബ്രാഞ്ച് സെക്രട്ടറി കെ. വേലായുധന്‍, കര്‍ഷകസംഘം നേതാവ് എ. യോഹന്നാന്‍ എന്നിവരാണ് മുന്‍കൈയെടുത്തത്.

സി.പി.എം. ജില്ലാ സെക്രട്ടറി വി.എ. ഭാസ്‌കരന്‍ താക്കോല്‍ കൈമാറി. എരുമാട് ഏരിയാസെക്രട്ടറി കെ. രാജന്‍ അധ്യക്ഷത വഹിച്ചു. ജില്ലാപഞ്ചായത്തംഗം പി.എം. ഹനീഫ, വി.എ. ഭാസ്‌കരന്‍, യു. ചന്ദ്രബോസ് തുടങ്ങിയവര്‍ പങ്കെടുത്തു.

''ഊണും ഉറക്കവുമില്ലാതെ രാപകല്‍ പണിചെയ്ത് എനിക്ക് വീടുപണിതു തന്നവരോട്, സഹായിച്ചവരോട് നന്ദിപറയാന്‍ വാക്കുകളില്ല'' -പാപ്പച്ചന്‍ പറഞ്ഞു. തന്റെ ജീവിതത്തിലെ സമ്മാനമാണ് ഈ വീടെന്ന് പാപ്പച്ചന്റെ ഭാര്യ ലീലയും പറഞ്ഞു.

Content highlights: pappachan and his wife leela got new house by the help of cpm local leaders in wayanad


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented