'ഹോം എലോണ്‍' വീട്ടില്‍ താമസിക്കണോ? തുച്ഛമായ വിലയ്ക്ക് ബുക്ക് ചെയ്യാം


31 വര്‍ഷം മുമ്പ് 'ഹോം എലോണി'ല്‍ വീട് എങ്ങിനെ ആയിരുന്നോ അതുപോലെ തന്നെ ഇപ്പോള്‍ ഒരുക്കിയിരിക്കുന്നതായി പീപ്പിളിനു നല്‍കിയ അഭിമുഖത്തില്‍ റാട്രായ് പറഞ്ഞു.

ഹോം എലോണിലെ വീട് | Photo: instagram.com|airbnb|

1990-കളിലെ ക്ലാസിക് സിനിമയായ 'ഹോം എലോണ്‍' കണ്ടവരാരും മക്കോളി കല്‍കിന്‍ തകര്‍ത്തഭിനയിച്ച കെവിന്‍ മക്കാലിസ്റ്റര്‍ എന്ന കഥാപാത്രത്തെയും അതിലെ വീടും മറക്കാന്‍ ഇടയില്ല. ഇപ്പോഴിതാ ജനപ്രീതി പിടിച്ചുപറ്റിയ ആ വീട്ടില്‍ ഒരു രാത്രി തങ്ങാന്‍ പൊതുജനങ്ങള്‍ക്ക് അവസരമൊരുക്കുകയാണ് ഹോംസ്‌റ്റേ സ്ഥാപനമായ എയര്‍ ബി.എന്‍.ബി. ഡിസംബര്‍ ഏഴുമുതല്‍ വീട് ബുക്ക് ചെയ്യാം. ഡിസംബര്‍ 12 മുതല്‍ വീട് പൊതുജനങ്ങള്‍ക്കായി തുറന്ന് നല്‍കും. യു.എസിലെ ഷിക്കാഗോയ്ക്ക് സമീപമാണ് സ്ഥിതി ചെയ്യുന്ന ഈ വീട്ടില്‍ ഒരൊറ്റ രാത്രി തങ്ങാന്‍ മാത്രമെ അവസരമുള്ളൂ.

'ഹോം എലോണി'ല്‍ കെവിന്റെ മൂത്ത സഹോദരനായി അഭിനയിച്ച ഡെവിന്‍ റാട്രേ വീട്ടില്‍ താമസിക്കാനെത്തുന്ന അതിഥികള്‍ക്ക് ആതിഥ്യമരുളുമെന്ന് എയര്‍ ബി.എന്‍.ബി. തങ്ങളുടെ ഔദ്യോഗിക ഇന്‍സ്റ്റഗ്രാം പേജില്‍ വ്യക്തമാക്കി. വീടിന്റെ ഉള്ളില്‍ നിന്നുള്ള ചിത്രങ്ങളും ഉള്‍പ്പെടുത്തി വളരെ വിശദമായ പോസ്റ്റ് ആണ് അവര്‍ പങ്കുവെച്ചിട്ടുള്ളത്.



വീട് ആദ്യമായി പൊതുജനങ്ങള്‍ക്ക് തുറന്നുനല്‍കുന്നതിനുള്ള ആദരസൂചകമായി ഷിക്കാഗോയിലെ ലാ റാബിഡ ചില്‍ഡ്രന്‍സ് ഹോസ്പിറ്റലിന് ധനസഹായം ചെയ്യുമെന്ന് എയര്‍ ബി.എന്‍.ബി. അറിയിച്ചു.

31 വര്‍ഷം മുമ്പ് 'ഹോം എലോണി'ല്‍ വീട് എങ്ങിനെ ആയിരുന്നോ അതുപോലെ തന്നെ ഇപ്പോള്‍ ഒരുക്കിയിരിക്കുന്നതായി പീപ്പിളിനു നല്‍കിയ അഭിമുഖത്തില്‍ റാട്രി പറഞ്ഞു.

ഹോം എലോണിന്റെ മൂന്നാം പതിപ്പായ ഹോം സ്വീറ്റ് ഹോം എലോണ്‍ കാണുന്നതിനും അവസരമൊരുക്കിയിട്ടുണ്ട്. ഈ സിനിമയില്‍ പോലീസുകാരന്റെ വേഷത്തില്‍ റാട്രി മടങ്ങിവരുന്നു എന്ന പ്രത്യേകതയും ഉണ്ട്. .

ഒരു രാത്രി തങ്ങുന്നതിന് 25 ഡോളറാണ് ചെലവ്. നാലുപേര്‍ക്കായിരിക്കും പരമാവധി താമസിക്കാന്‍ കഴിയുക എന്ന് ബി.ബി.സി. റിപ്പോര്‍ട്ട്‌ചെയ്തു.

എയര്‍ ബി.എന്‍.ബി.യുടെ ഇന്‍സ്റ്റഗ്രാം പോസ്റ്റിനുതാഴെ ഒട്ടേറെപ്പേര്‍ കമന്റുമായി എത്തി. തങ്ങളുടെ കുട്ടിക്കാലത്തെ ഓര്‍മകള്‍ തിരികെ കൊണ്ടുവന്നതായി ഒരാള്‍ പറഞ്ഞു. തണുപ്പുകാലമായതിനാല്‍ ചൂട് കായാന്‍ അവസരമുണ്ടോ എന്ന ചോദ്യത്തിന് ഉണ്ടെന്നും എല്ലാ സൗകര്യങ്ങളും വീട്ടില്‍ ഒരുക്കിയിട്ടുണ്ടെന്നും എയര്‍ ബി.എന്‍.ബി. അറിയിച്ചു.

Content highlights: home alone is for rent only for one night


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


vote

5 min

അടുത്തവര്‍ഷം ലോക്‌സഭാ തിരഞ്ഞെടുപ്പ്; ഇത്തവണ ഒരു രാജ്യം ഒരു തിരഞ്ഞെടുപ്പോ?

Nov 25, 2022


arif muhammad khan

1 min

രാജ്ഭവനിലെ അതിഥിസത്കാരം: നാല് വര്‍ഷത്തിനിടെ 9 ലക്ഷത്തോളം ചെലവഴിച്ചെന്ന് കണക്കുകള്‍

Nov 25, 2022

Most Commented