ചരിത്രം ഉറങ്ങുന്ന വീട്; ഗൗരിയമ്മയുടെ ഭവനം ഇനി സ്മാരകവും പഠന ഗവേഷണ കേന്ദ്രവും


വീട് ഏറ്റെടുത്ത്‌ രണ്ടുകോടിരൂപ ചെലവിട്ടു സ്മാരകം നിർമിക്കാനാണ് സർക്കാർ ഉദ്ദേശിക്കുന്നത്.

ഗൗരിയമ്മ താമസിച്ച ചാത്തനാട്ടെ കളത്തിൽപ്പറമ്പിൽ വീട്

ആലപ്പുഴ: കെ.ആർ. ഗൗരിയമ്മയുടെ ചാത്തനാട്ടെ വീട് പഠന ഗവേഷണ കേന്ദ്രവും സ്മാരകവുമാക്കാൻ തീരുമാനം. ശനിയാഴ്ച ആലപ്പുഴ കളക്ടറേറ്റിൽ ചേർന്ന യോഗത്തിൽ ഇതുസംബന്ധിച്ചു ധാരണയായി.

ചാത്തനാട്ടെ കളത്തിൽപ്പറമ്പിൽവീട് സഹോദരിയുടെ മകൾ ഡോ. പി.സി. ബീനാകുമാരിക്ക് നൽകിക്കൊണ്ട് ഗൗരിയമ്മ വിൽപ്പത്രം എഴുതിവെച്ചിരുന്നു. ഈ വീട് വിട്ടുനൽകാൻ തയ്യാറാണെന്ന് കളക്ടറേറ്റിൽ ചേർന്ന യോഗത്തിൽ ബീനാകുമാരി അധികൃതരെ അറിയിച്ചു.

തുടർന്നാണു സ്മാരകം നിർമിക്കുന്നതിനുള്ള നടപടികൾ വേഗത്തിലാക്കാൻ യോഗം തീരുമാനിച്ചത്. സ്മാരകത്തിൻറെ സമഗ്ര രൂപരേഖതയ്യാറാക്കി സമർപ്പിക്കാൻ ഉദ്യോഗസ്ഥർക്കു നിർദേശംനൽകി.

വീട് ഏറ്റെടുത്ത്‌ രണ്ടുകോടിരൂപ ചെലവിട്ടു സ്മാരകം നിർമിക്കാനാണ് സർക്കാർ ഉദ്ദേശിക്കുന്നത്. വീടിന്റെ തനിമ നിലനിർത്തിക്കൊണ്ടുതന്നെയാണു സ്മാരകം ഒരുക്കുക. 19 സെന്റ് സ്ഥലവും വീടുമാണ്‌ ചാത്തനാട്ടുള്ളത്. സ്ത്രീകൾക്കായി പഠന ഗവേഷണകേന്ദ്രം എന്നതിനു പ്രാമുഖ്യംനൽകിയാണു സ്മാരകം പ്രവർത്തിക്കുക.

ഐക്യ കേരളത്തിന്റെയും കമ്യൂണിസ്റ്റ് പ്രസ്ഥാനത്തിന്റെയും മാത്രമല്ല യു.ഡി.എഫ്. രാഷ്ട്രീയത്തിന്റെയും ചരിത്രസ്പന്ദനമേറ്റുവാങ്ങിയ വീടാണിത്. ഗൗരിയമ്മയുടെ ഭർത്താവും കമ്യൂണിസ്റ്റ് നേതാവുമായിരുന്ന ടി.വി. തോമസുമൊത്ത് ഏറെക്കാലം ഇവിടെയാണു താമസിച്ചത്.

എം.എൻ. ഗോവിന്ദൻനായർ ഉൾപ്പെടെ കേരളത്തിലെ തലമുതിർന്ന മുഴുവൻ കമ്യൂണിസ്റ്റുനേതാക്കളുടെയും ചർച്ചകൾക്കു വീട് സാക്ഷിയായിട്ടുണ്ട്. ബി.എസ്.പി. നേതാവ് കാൻഷിറാം ഈ വീട്ടിലെത്തി ചർച്ച നടത്തിയിട്ടുണ്ട്. ജെ.എസ്.എസിന്റെ രൂപവത്കരണവും എൽ.ഡി.എഫിലേക്കുള്ള ഗൗരിയമ്മയുടെ മടങ്ങിവരവും ഇവിടെനടന്ന ചർച്ചകളിലാണ് ഉരുത്തിരിഞ്ഞത്. ഗൗരിയമ്മയുടെ പുരസ്കാരങ്ങളും കൃഷ്ണഭക്തി പ്രകടിപ്പിക്കുന്ന വിഗ്രഹങ്ങളും എല്ലാം ഈ വീടിന്റെ ഓരോ മുക്കിനും മൂലയിലുമുണ്ട്.

യോഗത്തിൽ എം.എൽ.എ.മാരായ എച്ച്. സലാം, പി. പി. ചിത്തരഞ്ജൻ, ദലീമ ജോജോ, എം.എസ്. അരുൺകുമാർ, കളക്ടർ എ. അലക്‌സാണ്ടർ എന്നിവരും പങ്കെടുത്തു.

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022


Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022

Most Commented