ഇനിയില്ല പഴയന്നൂരിന്റെ രാജപ്രതാപം; അഞ്ഞൂറു വർഷം പഴക്കമുള്ള കൊട്ടാരം പൊളിക്കാനൊരുങ്ങുന്നു


ഏകദേശം അഞ്ഞൂറു വർഷം പഴക്കമുള്ള കൊട്ടാരം ചരിത്രസ്മാരകമാക്കണമെന്ന് ആവശ്യമുയരുമ്പോഴാണ് ബോർഡിന്റെ നീക്കം.

കൊച്ചിൻ ദേവസ്വംബോർഡ് പൊളിക്കാനൊരുങ്ങുന്ന കൊച്ചി രാജവംശത്തിന്റെ പഴയന്നൂരിലെ കൊട്ടാരം

തൃശ്ശൂർ: കൊച്ചി രാജവംശത്തിന്റെ ചരിത്രസ്മരണകൾ ഉറങ്ങുന്ന പഴയന്നൂരിലെ കൊട്ടാരം, അടിത്തറയടക്കം പൊളിച്ച് നിരപ്പാക്കാനൊരുങ്ങി കൊച്ചിൻദേവസ്വം ബോർഡ്. ഏകദേശം അഞ്ഞൂറു വർഷം പഴക്കമുള്ള കൊട്ടാരം ചരിത്രസ്മാരകമാക്കണമെന്ന് ആവശ്യമുയരുമ്പോഴാണ് ബോർഡിന്റെ നീക്കം.

പഴയന്നൂർ ദേവസ്വം ഓഫീസിൽ 20-നാണ് ലേലംവിളി. കൊട്ടാരത്തിന് രണ്ടു നിലകളാണുള്ളത്. ഇപ്പോഴിവിടെ അമൂല്യമായ സാധനസാമഗ്രികളൊന്നും കൊട്ടാരത്തിന്റേതായിട്ടില്ല. പഴയന്നൂർ ഭഗവതിക്ഷേത്രത്തിന്‌ എതിർവശത്താണ് കൊട്ടാരം സ്ഥിതിചെയ്യുന്നത്. ശോച്യാസ്ഥയിലായ കൊട്ടാരം പൊളിക്കുന്നതിൽ എതിരഭിപ്രായങ്ങൾ നിരവധി ഉയരുന്നുണ്ട്. മച്ചൊക്കെയുള്ള കൊട്ടാരത്തിന്റെ പല ഭാഗങ്ങളും കൃത്യമായി സംരക്ഷിക്കാത്തതിനാൽ ഇടിഞ്ഞിരിക്കുകയാണ്.

ടെൻഡർ ഉറപ്പിച്ച് 30 ദിവസത്തിനകം കെട്ടിടം പൂർണമായി നിരപ്പാക്കി വൃത്തിയാക്കണമെന്നാണ് കൊച്ചിൻ ദേവസ്വം ബോർഡിന്റെ നിർദേശം. ചുറ്റുപാടുള്ള വസ്തുക്കൾക്കോ നിർത്തിയിട്ട വാഹനങ്ങൾക്കോ കേടുവരുത്താതെ വേണം പൊളിക്കാനെന്ന് വിജ്ഞാപനത്തിലുണ്ട്.

കെട്ടിടം പൊളിക്കുമ്പോഴുള്ള ഓട്, മരം, ഇരുമ്പ്, വെട്ടുകല്ലുകൾ എന്നിവയല്ലാതെ അമൂല്യമായതോ പുരാതനമായതോ ആയ വസ്തുക്കൾ ലഭിക്കുമ്പോൾ വിവരമറിയിക്കാനും ദേവസ്വംബോർഡിന് കൈമാറാനുമാണ് ടെൻഡറിൽ പറയുന്നത്. ടെൻഡറുകൾ ഗുണകരമല്ലെങ്കിൽ ഉചിതമായ നടപടികൾ സ്വീകരിക്കാൻ പൂർണാധികാരം ബോർഡിനാണെന്നും വിജ്ഞാപനത്തിലുണ്ട്.

ചരിത്രസ്മാരകമായി മാറ്റാനാവില്ല

ചരിത്രസ്മാരകമായി നിലനിർത്താനുള്ള അവസ്ഥയിലല്ല പഴയന്നൂർ കൊട്ടാരം. 1950-ൽ കൊച്ചിൻ ദേവസ്വം ബോർഡ് രൂപവത്കരിക്കുന്നതിന് മുമ്പുതന്നെ ജീർണാവസ്ഥയിലായിരുന്നു കൊട്ടാരം. 1968-നുശേഷം കൊട്ടാരം ഉപയോഗിച്ചിട്ടേയില്ല. തറയെല്ലാം പൊളിഞ്ഞു. കൊട്ടാരത്തിനോടുചേർന്ന് വാഹനങ്ങൾ നിർത്തിയിടാറുണ്ട്. അപകടാവസ്ഥയിലായ കൊട്ടാരം പൊളിക്കണമെന്നാവശ്യപ്പെട്ട് നിരവധി പരാതികൾ ലഭിച്ചിട്ടുണ്ട്. കൊട്ടാരം പൊളിക്കണമെന്നത് മുൻവർഷങ്ങളിൽ ബോർഡ് തീരുമാനിച്ചിരുന്നതാണ്. ഇപ്പോഴത്തെ ബോർഡ് നടപ്പാക്കുന്നുവെന്ന് മാത്രം.

എ.ബി. മോഹനൻ, കൊച്ചിൻ ദേവസ്വം ബോർഡ് പ്രസിഡന്റ്

Content Highlights: five hundred year old Pazhayannur palace is about to be demolished

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


AKHIL

1 min

വിവാഹിതയായ വീട്ടമ്മ ഒപ്പം വരാത്തതില്‍ പ്രതികാരം, വെട്ടുകത്തിയുമായി വീട്ടിലെത്തി ആക്രമിച്ചു

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022

Most Commented