Photos: twitter.com|ANI
വീടൊരുക്കുമ്പോൾ ഇന്റീരിയറും ലാൻഡ്സ്കേപ്പും കൂടുതൽ ശ്രദ്ധയോടെ ഡിസൈൻ ചെയ്യുന്നവരുണ്ട്. വീടിനകത്തു ചെടികൾ നിറയ്ക്കുന്നതു തന്നെ തരംഗമാണിപ്പോൾ. ഇപ്പോൾ സമൂഹമാധ്യമത്തിൽ വൈറലാകുന്നതും ചെടികളും ഇന്റീരിയറുമൊക്കെ മനോഹരമായൊരുക്കിയ ഒരു യുവാവിനെക്കുറിച്ചാണ്.
സംഗതി വീടിനുള്ളിൽ അല്ല കക്ഷിയുടെ ഓട്ടോറിക്ഷയിൽ ആണെന്നു മാത്രം. ഭുവനേശ്വറിൽ നിന്നുള്ള സുജിത് ദിഗൽ എന്നയാളാണ് വാർത്തയിൽ നിറയുന്നത്.
ചെറിയൊരു പൂന്തോട്ടം തന്നെയാണ് സുജിത് ഓട്ടോയ്ക്കുള്ളിൽ ഒരുക്കിയിരിക്കുന്നത്. ഇതിനു പിന്നിലൊരു കാരണവുമുണ്ട്. കാന്ദമൽ ഗ്രാമത്തിൽ നിന്നുവരുന്ന തനിക്ക് നഗരത്തിൽ വന്നപ്പോൾ വീടും ഗ്രാമത്തിലെ അന്തരീക്ഷവും മിസ് ചെയ്യുന്നുണ്ടായിരുന്നു. അതൊഴിവാക്കാനാണ് ഓട്ടോയുടെ ഇന്റീരിയർ അടിമുടി മാറ്റാമെന്നു കരുതിയത്- സുജിത് പറയുന്നു.
ധാരാളം ചെടികൾ മാത്രമല്ല മൃഗങ്ങളും സുജിതിന് കൂട്ടായി വണ്ടിയിലുണ്ട്. ഒരു അക്വേറിയവും തത്തമ്മയും മുയലുമൊക്കെ അക്കൂട്ടത്തിലുണ്ട്. വീട്ടിലേക്ക് അടിക്കടി പോകാൻ കഴിയാത്തതുകൊണ്ട് ഈ ചെടികളെയും പക്ഷികളെയുമൊക്കെ കാണുമ്പോൾ തനിക്ക് ഗ്രാമത്തിലെ അനുഭവം ലഭിക്കുന്നുവെന്നാണ് സുജിത് പറയുന്നത്.
നിരവധി പേരാണ് സുജിതിന്റെ ആശയത്തെ അഭിനന്ദിച്ച് രംഗത്തെത്തിയിരിക്കുന്നത്. അക്കൂട്ടത്തിൽ മൃഗങ്ങളുടെ സുരക്ഷയെക്കുറിച്ച് ആശങ്കപ്പെടുന്നവരുമുണ്ട്. ഉച്ചത്തിലുള്ള ശബ്ദം കേൾക്കുമ്പോൾ പക്ഷികളും മുയലുമൊക്കെ ഭയപ്പെടാൻ സാധ്യതയുണ്ടെന്നും ചെടികൾ വളർത്തിക്കോളൂ, പക്ഷേ മൃഗങ്ങളെ ചലിക്കുന്ന വാഹനത്തിൽ വെക്കരുതേ എന്നുമൊക്കെയാണ് പലരും കമന്റ് ചെയ്യുന്നത്.
Content Highlights: Homesick Autowala Converts Rickshaw Into Garden With Birds & Fish To Remind Him Of His Village
RELATED STORIES
.jpg?$p=9946ec6&f=1x1&w=100&q=0.8)
.jpg?$p=d575355&f=1x1&w=100&q=0.8)
.jpg?$p=5deafe7&f=1x1&w=100&q=0.8)
.jpg?$p=fbf1d59&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=80131df&f=1x1&w=100&q=0.8)
.jpg?$p=fdf1e0b&q=0.8&f=16x11&w=104)
.jpg?$p=6df998d&q=0.8&f=16x11&w=104)
.jpg?$p=9946ec6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..