നന്മമരം അവയവദാനത്തിന്റെ കഥ ; ഗാന ചിത്രീകരണം നൊമ്പരമുണർത്തുന്നു

ശ്രദ്ധ നേടി നന്മമരം ഹ്രസ്വ ചിത്രത്തിന്റെ ടൈറ്റിൽ ​ഗാനം. "അന്ന" എന്ന പെൺകുട്ടിയുടെ ജീവിത സഹനത്തിന്റെ കഥയാണ് ​ഗാനം  പറയുന്നത്. 

"അവയവദാനം മഹാദാനം , കരൾദാനം ജീവാമൃതം "  എന്ന സന്ദേശത്തിലൂടെ അവയവദാനത്തിന്റെ പ്രസക്തി സാധാരണ ജനങ്ങളിൽ ബോധ വൽക്കരിക്കുന്നതിനുവേണ്ടിയാണ് ഈ ദൃശ്യാവിഷ്കാരം . 

അരവിന്ദൻ ഫെയ്‌സ് ഗാലറിയുടെയും ലിവർ ഫൌണ്ടേഷൻ ഓഫ് കേരള തൃശൂർ ജില്ലാ കമ്മറ്റിയുടെയും ബാനറിലാണ്  ഈ ഹ്രസ്വ ചിത്രം നിർമ്മിച്ചിരിക്കുന്നത് . കേരളത്തിലെ അവയവദാനം കഴിഞ്ഞവരുടെ ഉന്നമനത്തിനുവേണ്ടിയാണ്  ഈ  സംഘടന പ്രവർത്തിക്കുന്നത് .

കിഡ്നി ഫെഡറേഷന്റെ സാരഥി ഫാദർ ഡേവിസ് ചിറമ്മൽ ആണ്  ഇതിൽ മുഖ്യ കഥാപാത്രമായി അഭിനയിക്കുന്നത് . സംഗീത സംവിധായകൻ എം . ജയചന്ദ്രൻ , മേജർ രവി , സംവിധായകൻ ജിബു ജേക്കബ് , പ്രൊഡക്ഷൻ കൺട്രോളർ ബാദുഷ , ഷാജി പട്ടിക്കര , നിർമ്മാതാവ് ഷോഗൺ മോഹൻ , എം . പി. ടി. എൻ. പ്രതാപൻ തുടങ്ങി കലാ സാഹിത്യ സിനിമ രാഷ്ട്രീയ ആതുര സേവന രംഗത്തെ വിശിഷ്ട വ്യക്തികളുടെ ഫേസ്ബുക് പേജിലൂടെയാണ് റിലീസ് ചെയ്തത് . 

ഗാനരചന നടത്തിയിരിക്കുന്നത് കെ. വി. എസ്.  നെല്ലുവായ് (മുംബൈ) ആണ്. സംഗീത സംവിധായകൻ കെ. ജി. രാജ്‌കുമാർ കല്ലൂർ ആണ്. ഈ ദൃശ്യാവിഷ്കാരം നടത്തിയിക്കുന്നത് 2016 ൽ കരൾ മാറ്റത്തിന് വിധേയനായ അരവിന്ദൻ നെല്ലുവായാണ് . ചിത്രസംയോജനം ആനന്ദ്  രാമദാസ്‌ . മലയാള സിനിമ പിന്നണി ഗാന രംഗത്ത് ശ്രദ്ധേയനായി  കൊണ്ടിരിക്കുന്ന കെ .  ഉണ്ണികൃഷ്ണനാണ്  ഗാനം  ആലപിച്ചിരിക്കുന്നത്.  മലയാള ഛായാ​ഗ്രാഹണം മണികണ്ഠൻ  വടക്കാഞ്ചേരി .  ദേവപ്രസാദ് , ചിത്ര  പ്രസാദ് , അമൽ അരവിന്ദൻ , സഫാനിയ , അനാമിക, സുനിൽ മേനോൻ,  സുരേഷ് പെരിങ്ങാവ് , വിക്ടർ ഡേവിസ്  എന്നിവരാണ് മറ്റ് ശ്രദ്ധേയമായ വേഷങ്ങൾ ചെയ്തിരിക്കുന്നത് . 

Content Highlights : NANMAMARAM MALAYALAM SHORT FILM TITLE SONG O'range Media