ചാത്തംവേലിൽ ക്രിയേഷൻസിൻ്റെ ബാനറിൽ പുഷ്പ നീലാംബരൻ നിർമിക്കുന്ന ഹ്രസ്വചിത്രമാണ് കൊറോണ ഒരു അന്യഗ്രഹജീവിയല്ല. രചനയും സംവിധാനവും സി.ആർ.നീലാംബരൻ.
കൊറോണ എന്ന മഹാമാരിക്കെതിരേ ലോകം മുഴുവൻ പ്രതിരോധ പ്രവർത്തനങ്ങൾ നടക്കുമ്പോൾ നാം നമ്മുടെ ആയുർവേദത്തെ മറക്കുന്നു. നമ്മുടെ തനതായ സംസ്കാരത്തെ മറികടന്ന് ഇംഗ്ലീഷ്കാർ ഇവിടെ ഉപേക്ഷിച്ചുപോയ ദുശ്ശീലങ്ങളെ മുറുകെ പിടിച്ച് വ്യക്തി ബന്ധങ്ങളിൽ വിള്ളലുകൾ സൃഷ്ടിക്കുന്നു. നമ്മുടെ ആയുർവേദം ലോകം മുഴുവൻ അംഗീകരിക്കുന്ന ശാസ്ത്രമാണെന്ന് ഓർമപ്പെടുത്തുകയാണ് ഈ ഹ്രസ്വചിത്രം.
തെസ്നിഖാൻ, സുദർശനൻ (കമ്മട്ടിപ്പാടം ഫെയിം), നിവേദ്യചന്ദ്രൻ, മാത്യൂസ് തുതിയൂർ, സി.ആർ.നീലാംബരൻ, മാസ്റ്റർ ശ്രാവൺശ്യാം തുടങ്ങിയവരഭിനയിക്കുന്നു.ലോയ്ഡ് ഛായാഗ്രഹണവും മോഹൻ ചമയവും നിർവഹിക്കുന്നു.ഗാനരചനയും സംഗീതവും മാത്യൂസ്.മാനേജർ അഡ്വ.ജോയ്. സർക്കാരിൻ്റെ എല്ലാവിധ നിർദേശങ്ങളും അനുസരിച്ചാണ് ചിത്രീകരണം പൂർത്തിയാക്കിയിരിക്കുന്നത്.
Content highlights : Corona Oru Anyagriha Jeeviyalla Short Film
