.png?$p=c30e6d9&f=16x10&w=852&q=0.8)
ചിത്രത്തിൽ നിന്നും | photo: screen grab
ചില കാത്തിരിപ്പുകള്‍ക്ക് ജീവനോളം വില നല്‍കുന്നവരുണ്ട്. ഒരിക്കലും തിരിച്ചുവരില്ലെന്നറിഞ്ഞിട്ടും പ്രിയപ്പെട്ടവര്‍ക്കായി കാത്തിരിക്കുന്ന ഒരുപാട് ജീവിതങ്ങള്‍ ചുറ്റും കാണാനാകും. അത്തരത്തിലൊരാളുടെ കാത്തിരിപ്പും ഓര്‍മകളും സംഗീതത്തിന്റെ മേമ്പൊടിയോടെ പറയുന്ന ചിത്രമാണ് 'ലവ്ഫുള്ളി യുവേഴ്സ് വേദ'.
തനിക്ക് ഏറെ പ്രിയപ്പെട്ടയാളോട് പറയാനുള്ളതെല്ലാം കത്തുകളിലൂടെ കുറിക്കുന്ന ശ്രീവേദയെന്ന വേദയിലൂടെയാണ് ചിത്രം ആരംഭിക്കുന്നത്. രജിഷ വിജയനാണ് ടൈറ്റില്‍ കഥാപാത്രമായ വേദയായി എത്തുന്നത്. വേദയുടെ ജീവിതത്തിലേയ്ക്ക് മ്യൂസിക് ബാന്റ് നടത്തുന്ന കുറച്ച് കുട്ടികള്‍ ആകസ്മികമായി കടന്നുവരുന്നു. തുടര്‍ന്ന് കവിതയും രാഷ്ട്രീയവും പ്രണയവും പകയും ഒക്കെ നിറഞ്ഞുനിന്നിരുന്ന തൊണ്ണൂറുകളിലെ ക്യാമ്പസിലേയ്ക്ക് നവാഗത സംവിധായകനായ പ്രഗേഷ് സുകുമാരന്‍ പ്രേക്ഷകനെ കൂട്ടിക്കൊണ്ടുപോവുകയാണ്.
.png?$p=0f1432f&&q=0.8)
ക്യാമ്പസിലെ രസകരമായ മുഹൂര്‍ത്തങ്ങളും വാശിയും ഒക്കെ കഥാപാത്രങ്ങളായി എത്തുന്നുണ്ട്. കവിതയും ചിത്രത്തിലെ ഒരു കഥാപാത്രമാണെന്ന് പറയാം. പരസ്പരം പോരടിക്കുന്ന ക്യാമ്പസ് രാഷ്ട്രീയ കഥകള്‍ കേട്ടിട്ടുള്ളവര്‍ക്ക് മുന്നിലേയ്ക്ക് വ്യത്യസ്തമായൊന്നാണ് ചിത്രത്തിലൂടെ സംവിധായകന്‍ അവതരിപ്പിച്ചിരിക്കുന്നത്. പാരിസ്ഥിതിക പ്രശ്‌നങ്ങളും ചിത്രത്തില്‍ പ്രതിപാദിക്കുന്നുണ്ട്.
വെങ്കിടേഷ് വി.പിയാണ് ചിത്രത്തിലെ നായകകഥാപാത്രത്തെ അവതരിപ്പിക്കുന്നത്. തൃശ്ശൂര്‍ ശ്രീവര്‍മ കോളേജ് യൂണിയന്‍ ചെയര്‍മാനായ ജീവന്‍ ലാലായാണ് വെങ്കിടേഷ് ചിത്രത്തിലെത്തിയിരിക്കുന്നത്. ശ്രീനാഥ് ഭാസി മറ്റൊരു സുപ്രധാന കഥാപാത്രത്തെ അവതരിപ്പിച്ചിരിക്കുന്നു. തമിഴ് സംവിധായകന്‍ ഗൗതം വാസുദേവ് മേനോന്‍, അനിക സുരേന്ദ്രന്‍, രഞ്ജിത് ശേഖര്‍, ചന്തുനാഥ്, ഷാജു ശ്രീധര്‍, ശരത് അപ്പാനി, നില്‍ജ കെ. ബേബി, ശ്രുതി ജയന്‍, വിജയ കുമാര്‍ എന്നിവരും ചിത്രത്തിലുണ്ട്. ഒട്ടേറെ പുതുമുഖതാരങ്ങള്‍ക്കും ചിത്രത്തില്‍ അവസരം ലഭിച്ചിട്ടുണ്ട്.
.png?$p=f2212e3&&q=0.8)
കഥ നടക്കുന്ന കാലഘട്ടത്തെ ശ്രദ്ധയോടെ അടയാളപ്പെടുത്താന്‍ സംവിധായകന്‍ ശ്രമിച്ചിട്ടുണ്ട്. ഗാനങ്ങള്‍ കൊണ്ടും സമ്പന്നമാണ് ചിത്രം. കഥാഗതിയോട് യോജിച്ചുനില്‍ക്കുന്ന സംഘട്ടനങ്ങളും ചിത്രത്തിലുണ്ട്. ബാബു വൈലത്തൂരിന്റെതാണ് ചിത്രത്തിന്റെ തിരക്കഥ.
രാഹുല്‍ രാജാണ് ചിത്രത്തിലെ ഗാനങ്ങള്‍ക്ക് ഈണം പകര്‍ന്നിരിക്കുന്നത്. റഫീഖ് അഹമ്മദ്, ധന്യ സുരേഷ്, രതി ശിവരാമന്‍ എന്നിവരുടേതാണ് വരികള്‍. ശ്വേത മോഹന്‍, പ്രസീധ ചാലക്കുടി, വിപിന്‍ സേവ്യര്‍ എന്നിവരാണ് ആലാപനം.
.png?$p=88bf8fa&&q=0.8)
ടോബിന്‍ തോമസാണ് ഛായാഗ്രഹണം. സോബിന്‍ സോമനാണ് എഡിറ്റിങ് നിര്‍വഹിച്ചിരിക്കുന്നത്. സുഭാഷ് കരുണയാണ് കലാസംവിധാനാം. വസ്ത്രാലങ്കാരം അരുണ്‍ മനോഹറും മേക്കപ്പ് ആര്‍.ജി. വയനാടും നിര്‍വഹിച്ചിരിക്കുന്നു. ഫിനിക്‌സ് പ്രഭുവാണ് സംഘട്ടനം ഒരുക്കിയിരിക്കുന്നത്. ആര്‍2 എന്റര്‍ടെയിന്‍മെന്റ്സിന്റെ ബാനറില്‍ രാധാകൃഷ്ണന്‍ കല്ലായിലും റുവിന്‍ വിശ്വവും ചേര്‍ന്നാണ് ചിത്രം നിര്‍മിച്ചിരിക്കുന്നത്.
Content Highlights: rajisha vijayan sreenath bhasi venkidesh in lovefully yours veda movie review
Also Watch
RELATED STORIES
.jpg?$p=8a7b7b1&f=1x1&w=100&q=0.8)
INTERVIEW
.png?$p=24a34d7&f=1x1&w=100&q=0.8)
.png?$p=b15303e&f=1x1&w=100&q=0.8)
.png?$p=c0b1fbf&f=1x1&w=100&q=0.8)
IN CASE YOU MISSED IT
.jpg?$p=aa62323&f=1x1&w=100&q=0.8)
.jpg?$p=bec7056&q=0.8&f=16x11&w=104)
.jpg?$p=a80322e&q=0.8&f=16x11&w=104)
.png?$p=6a1a169&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..