നടന്‍ കലാഭവന്‍ മണിയുടെ നാലാം ചരമവാര്‍ഷികത്തില്‍ ഓര്‍മക്കുറിപ്പുമായി സംവിധായകന്‍ വിനയന്‍.
മണി യാത്രയായിട്ട് നാലു വര്‍ഷം. മലയാളസിനിമയും, മലയാളിയും ഒരിക്കലും മറക്കാന്‍ പാടില്ലാത്ത... കഴിവുറ്റ കലാകാരന്‍ ആയിരുന്നു കലാഭവന്‍ മണി..
തന്റെ ദുഖങ്ങളും, സ്വപ്നങ്ങളും, ദാരിദ്ര്യം നിറഞ്ഞ വന്ന വഴികളും ഒക്കെ പച്ചയായി തുറന്നു പറഞ്ഞിരുന്ന ആ മനുഷ്യസ്‌നേഹി തികച്ചും വ്യത്യസ്തനായിരുന്നു... ആദരാഞ്ജലികള്‍. വിനയന്‍ കുറിച്ചു
വിനയന്റെ സംവിധാനത്തിലൊരുങ്ങിയ വാസന്തിയും ലക്ഷ്മിയും പിന്നെ ഞാനും, ഇന്‍ഡിപെന്‍ഡന്‍സ്, കരുമാടിക്കുട്ടന്‍ എന്നീ ചിത്രങ്ങളില്‍ നായകനായാണ് കലാഭവന്‍ മണിയായിരുന്നു. ഈ ചിത്രങ്ങളിലെ മണിയുടെ വേഷങ്ങളെല്ലാം ഏറെ ശ്രദ്ധിക്കപ്പെടുകയും ചെയ്തു
1999-ല്‍ പുറത്തിറങ്ങിയ വാസന്തിയും ലക്ഷ്മിയും പിന്നെ ഞാനും എന്ന ചിത്രത്തിലെ അഭിനയത്തിനാണ് ദേശീയ തലത്തിലും സംസ്ഥാന തലത്തിലും മണിയ്ക്ക് മികച്ച നടനുള്ള സ്പെഷല്‍ ജ്യൂറി പുരസ്‌കാരം ലഭിക്കുന്നത്.
2016 മാര്‍ച്ച് അഞ്ചിനാണ് വീടിനുസമീപത്തെ അതിഥിമന്ദിരമായ 'പാഡി'യില്‍ കലാഭവന്‍ മണിയെ രക്തം ഛര്‍ദിച്ച് അവശനിലയില്‍ കണ്ടെത്തിയത്. ഉടനെ എറണാകുളത്തെ ആശുപത്രിയില്‍ പ്രവേശിപ്പിച്ചെങ്കിലും പിറ്റേന്നു വൈകീട്ട് മരിക്കുകയായിരുന്നു.
Content Highlights : Vinayan Remembers Kalabhavan Mani on his Fourth death Anniversary
