കോളേജ് കാലം മുതലുള്ള സുഹൃത്ത്, 25 വർഷത്തെ സൗഹൃദമാഘോഷിച്ച് ടിനി ടോമും വിനായകനും, Vinayakan and Tini Tom celebrating 25 years of friendship

30 March 2022, 11:24 AM IST

വിനായകനൊപ്പം ടിനി ടോം

നടൻ വിനായകനൊപ്പമുള്ള ഇരുപത്തിയഞ്ച് വർഷത്തെ സൗഹൃദം ആഘോഷിച്ച് നടൻ ടിനി ടോം. കോളേജ് കാലഘട്ടം മുതലുള്ള സൗഹൃദമാണ് തങ്ങൾ തമ്മിലെന്നും എന്നെന്നും സുഹൃത്തുക്കളാണെന്നും ടിനി ടോം വിനായകനൊപ്പമുള്ള ചിത്രം പങ്കുവച്ച് കുറിച്ചു.

പോസ്റ്റ് പങ്കുവച്ചതിന് പിന്നാലെ നിരവധി പേരാണ് കമന്റുകളുമായെത്തിയിരിക്കുന്നത്. ഒരുത്തീ സിനിമയുമായി ബന്ധപ്പെട്ട് നടത്തിയ വാർത്താ സമ്മേളനത്തിൽ വിനായകൻ നടത്തിയ പരാമർശം വലിയ വിവാദമായതിന് പിന്നാലെയാണ് ടിനി ടോമിന്റെ പോസ്റ്റ്.

മീ ടൂ തനിക്ക് എന്താണെന്നറിയില്ലെന്നും ഒരാളോട് സെക്സ് ചെയ്യണമെന്ന് തോന്നിയാല്‍ അത് ചോദിക്കുമെന്നും അതിന് മീ ടൂ എന്ന് വിളിക്കുകയാണെങ്കില്‍ ഇനിയും അത് ചെയ്യുമെന്നും വിനായകന്‍ പറഞ്ഞിരുന്നു. അവിടെ എത്തിയിരുന്ന മാധ്യമപ്രവര്‍ത്തകയെ ചൂണ്ടി ഇവരോട് തോന്നിയാലും ചോദിക്കുമെന്നും വിനായകൻ കൂട്ടിച്ചേര്‍ത്തു. ഇത് വലിയ വിവാദമായതിന് പിന്നാലെ നടൻ മാപ്പ് ചോദിച്ച് രംഗത്തെത്തുകയും ചെയ്തു. തന്റെ പരാമര്‍ശം വ്യക്തിപരമായിരുന്നില്ല എന്നും മാധ്യമപ്രവർത്തകയ്ക്ക് വിഷമം നേരിട്ടതില്‍ ക്ഷമ ചോദിക്കുന്നുവെന്നും വിനായകന്‍ പറഞ്ഞു.