TKS Natarajan
ചെന്നൈ : നടനും നാടൻ പാട്ട് ഗായകനുമായ ടികെഎസ് നടരാജൻ (87) ചെന്നൈയിൽ അന്തരിച്ചു. 500 ൽ പരം സിനിമകളിൽ സ്വഭാവ നടനായി വേഷമിട്ടിട്ടുണ്ട്. 1954 ൽ പുറത്തിറങ്ങിയ രാധ പാസം എന്ന ചിത്രത്തിലൂടെയാണ് അഭിനയ രംഗത്തെത്തുന്നത്.
എംജിആർ ചിത്രം കണവൻ, ശിവാജി ഗണേശന്റെ ദൈവ മകൻ, നാടോടി തുടങ്ങിയ ചിത്രങ്ങളിൽ വേഷമിട്ടു. എഴുപതുകളിലും എൺപതുകളിലും സിനിമൽ സജീവമായിരുന്നു. സിനിമാ പൈത്യം, ആടുപുലിയാട്ടം, തീ. നാൻ സിഗപ്പു മനിതൻ എന്നീ ചിത്രങ്ങളിൽ സ്വഭാവ നടനായി വേഷമിട്ടു.
നടനെന്നതിലുപരി ഗായകനായും പേരെടുത്ത നടരാജന്റെ ഏറ്റവും പ്രശസ്തമായ ഗാനമാണ് വാങ്ക മാപ്പിളൈ വാങ്ക എന്ന ചിത്രത്തിലെ എന്നാടി മുനിയമ്മ എന്ന പാട്ട്. 1984 ലാണ് ഈ ഗാനം പുറത്തിറങ്ങുന്നത്. പിന്നീട് ഇതേ ഗാനം 2006 ൽ അർജുൻ സർജ നായകനായെത്തിയ വാത്തിയാറിലും ഉപയോഗിക്കുകയുണ്ടായി.
Content Highlights :Veteran actor T K S Natarajan passed away
%20(1).jpg?$p=bb281d8&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..