'താരപുത്രിയായിട്ടും ദുരുദ്ദേശത്തോടെ പലരും സമീപിച്ചിരുന്നു, ഫോണ്‍ റെക്കോര്‍ഡിങ്ങുകള്‍ കൈയിലുണ്ട്'


'കാസ്റ്റിങ് കൗച്ചിങ്ങിന് ഒരുക്കമല്ലാതിരുന്നതിനാല്‍ പലരും എന്നെ ബാന്‍ ചെയ്തു. ഇപ്പോള്‍ 25 സിനിമകള്‍ക്കു ശേഷം ഞാനെന്റെ സ്വന്തം കാലില്‍ നില്‍ക്കുന്നു.'

കാസ്റ്റിങ് കൗച്ചിങ്ങിനെക്കുറിച്ച് തുറന്നു പറഞ്ഞിട്ടുള്ള സിനിമാനടിമാരില്‍ പ്രധാനിയാണ് വരലക്ഷ്മി ശരത്കുമാര്‍. സിനിമാനടന്‍ ശരത്കുമാറിന്റെ മകളായിട്ടു പോലും പല നിര്‍മാതാക്കളും താരങ്ങളും ദുരുദ്ദേശത്തോടെ തന്നെ സമീപിച്ചിട്ടുണ്ടെന്നും തെളിവായി ഫോണ്‍ റെക്കോഡുകള്‍ തന്റെ കൈവശമുണ്ടെന്നും വെളിപ്പെടുത്തിയിരിക്കുകയാണ് ഇപ്പോള്‍ വരലക്ഷ്മി. ഒരു ടെലിവിഷന്‍ ചാനലിനു നല്‍കിയ അഭിമുഖത്തിനിടയിലാണ് നടി ഇക്കാര്യം പറഞ്ഞത്.

'വേട്ടയാടാന്‍ വരുന്നവരെ സമൂഹത്തിനു മുന്നില്‍ സ്ത്രീകള്‍ തന്നെ തുറന്നു കാട്ടണം.'വരലക്ഷ്മി പറഞ്ഞു. 'അവസരങ്ങള്‍ നഷ്ടപ്പെടുമെന്നു കരുതി അതു ചെയ്യാതിരിക്കരുത്. താരപുത്രിയായിട്ടു പോലും അത്തരത്തില്‍ മോശം അനുഭവങ്ങള്‍ ഞാനും നേരിട്ടിട്ടുണ്ട്. ദുരുദ്ദേശപരമായി സമീപിച്ചവരോട് താന്‍ നോ പറഞ്ഞു. അങ്ങനെ സംസാരിച്ചവരുമായുള്ള ഫോണ്‍ റെക്കോഡുകള്‍ എന്റെ കൈവശമുണ്ട്. അത്തരം സംഭാഷണങ്ങള്‍ക്കൊടുവില്‍ ഒത്തുതീര്‍പ്പുകള്‍ക്ക് താന്‍ ഒരുക്കമല്ലെന്ന് താന്‍ തീര്‍ത്തു പറഞ്ഞിട്ടുമുണ്ട്.

അതിനു ശേഷമാണ് ഞാന്‍ പഠിച്ചത്. അത്തരം സിനിമകള്‍ ചെയ്യേണ്ടെന്നു തീരുമാനിച്ചു. അതിന് എനിക്ക് ഒരുപാടു സമയമെടുത്തു. അത് വളരെ ബുദ്ധിമുട്ടുള്ള കാര്യമായിരുന്നു. കാസ്റ്റിങ് കൗച്ചിങ്ങിന് ഒരുക്കമല്ലാതിരുന്നതിനാല്‍ പലരും എന്നെ ബാന്‍ ചെയ്തു. ഇപ്പോള്‍ 25 സിനിമകള്‍ക്കു ശേഷം ഞാനെന്റെ സ്വന്തം കാലില്‍ നില്‍ക്കുന്നു. ഇതിനോടകം നല്ല 25 നിര്‍മ്മാതാക്കള്‍ക്കും നല്ല സംവിധായകര്‍ക്കുമൊപ്പം ജോലി ചെയ്യാനായി. അത് തുടര്‍ന്നുകൊണ്ടേയിരിക്കുന്നു. 29ാമത്തെ സിനിമയ്ക്ക് കരാറും ഒപ്പിട്ടു. ഞാന്‍ സന്തോഷവതിയാണ്.' വരലക്ഷ്മി പറഞ്ഞു.

'കോംപ്രമൈസ് ചെയ്യുമോ എന്നു ചോദിച്ച് ആരെങ്കിലും വരികയാണെങ്കില്‍ ഇല്ലെന്നു പറഞ്ഞു തിരിഞ്ഞു നടന്നേക്കുക. അതാണ് എനിക്ക് പറയാനുള്ളത്. അത് സ്ത്രീകള്‍ തന്നെയാണ് നിശ്ചയിക്കേണ്ടത്. ആരെക്കുറിച്ചും വിധി പറയുന്നില്ല. ഒരുപാടു ധൈര്യം വേണം. കരുത്താര്‍ജിക്കണം. മറ്റൊരു വഴി തിരഞ്ഞെടുത്ത് അത്തരം ഓഫറുകള്‍ നിരസിച്ച് നടിയാകാന്‍ കഠിനാധ്വാനം ചെയ്യാം. ഞാന്‍ ചെയ്ത പോലെ.'

Content Highlights : varalakshmi sarathkumar about casting couch bad experiences being a star kid


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

2 min

വാഴക്കുലയില്‍ കുടുങ്ങിയ ചിന്ത; നന്ദി പിണറായിക്ക്, ഡോക്ടറേറ്റ് റദ്ദാക്കാന്‍ വകുപ്പുണ്ട്

Jan 30, 2023


kt jaleel, madani

3 min

മഅദനിയെക്കണ്ടു, കണ്ണുനിറഞ്ഞു; ഈ കൊല്ലാക്കൊല കൊടിയ അനീതിയെന്ന് കെ.ടി. ജലീല്‍ 

Jan 28, 2023


Premium

09:50

വീടിനെക്കാള്‍ വില മതിച്ച പൂവ്; ടുലിപ് മാനിയ!

Jan 30, 2023

Most Commented