കൊവിഡ് 19 പടരുന്ന സാഹചര്യത്തില്‍ കൈകള്‍ വൃത്തിയായി സൂക്ഷിക്കണമെന്ന നിര്‍ദേശമുള്‍ക്കൊണ്ട് ഇടയ്ക്കിടെ കൈകള്‍ കഴുകുകയും സാനിറ്റൈസര്‍ ഉപയോഗിച്ച് വൃത്തിയാക്കുകയും ചെയ്യുന്ന വീഡിയോകളാണ് സോഷ്യല്‍മീഡിയ നിറയെ. കൊവിഡ് 19 വ്യാപനം തടയുന്നതിന്റെ ഭാഗമായ ക്യാമ്പെയ്‌നില്‍ സിനിമാതാരങ്ങളും രാഷ്ട്രീയ പ്രവര്‍ത്തകരും ഹാന്റ് വാഷ് ചലഞ്ച് വീഡിയോകളുമായി രംഗത്തു വരുന്നുണ്ട്.
ചലഞ്ചിന്റെ ഭാഗമായി നടിയും തൃണമൂല്‍ കോണ്‍ഗ്രസ് എം. പിയുമായ നുസ്രത് ജഹാനും കൈ കഴുകുന്ന ഒരു വീഡിയോ പോസ്റ്റ് ചെയ്തിരുന്നു. വൈറസ് പടരുന്നത് തടയാന്‍ കൈകള്‍ വൃത്തിയാക്കി സൂക്ഷിക്കേണ്ടതിന്റെ ആവശ്യകതയെക്കുറിച്ച് സംസാരിച്ചുകൊണ്ടാണ് എം. പി കൈകള്‍ കഴുകുന്നത്. വൈറസിനെ തുരത്താനുള്ള ബോധവത്ക്കരണമെല്ലാം നല്ലതു തന്നെ, പക്ഷേ വെള്ളം ഇങ്ങനെ പാഴാക്കി കളയുന്നത് ശരിയാണോ എന്നാണ് നടിയുടെ വീഡിയോ കണ്ട് പലരും ചോദിക്കുന്നത്. നടി അശ്രദ്ധയോടെ വെള്ളം പാഴാക്കുന്നുവെന്നും ഒരു എം പിയായിട്ടു പോലും വെള്ളം കരുതലോടെ ഉപയോഗിക്കണമെന്ന അറിയില്ലേയെന്നുമാണ് ആരാധകര്‍ ചോദിക്കുന്നത്.
Content Highlights : trolls against nusrat jahan mp's instagram video corona virus awareness hand was challenge
