അമ്പിളി ഉപയോഗിച്ചിരുന്ന ഈ ഫോണാണ് ടി.ജി രവിയുടെ ആത്മബലം


അമ്പിളി ഒരു ഡോക്ടര്‍ മാത്രമായിരുന്നില്ല. അത്യാവശ്യം കവിതകള്‍ എഴുതുന്ന ഡോക്ടര്‍.

ടിജി രവി ഭാര്യ അമ്പിളിക്കൊപ്പം (ഫയൽചിത്രം), അമ്പിളി ഉപയോഗിച്ചിരുന്ന മൊബൈൽ ഫോണുമായി ടി.ജി. രവി

ഒരു കൊച്ചുകഥ, ആരും പറയാത്ത കഥ, രവി അഭിനയിച്ച ഒരു സിനിമയുടെ പേരാണിത്. എന്നാല്‍, അദ്ദേഹത്തിന്റെ ജീവിതത്തിലുമുണ്ട് ഇതുപോലെ ആരും പറയാത്ത ഒരു കഥ.

അമ്പിളി ഒരു ഡോക്ടര്‍ മാത്രമായിരുന്നില്ല. അത്യാവശ്യം കവിതകള്‍ എഴുതുന്ന ഡോക്ടര്‍. ആദ്യം വായിച്ചുകേള്‍പ്പിച്ചിരുന്നത് ഭര്‍ത്താവിനെയും. മരണത്തിലേക്ക് നടന്നടുക്കുകയാണെന്ന് അമ്പിളിക്ക് നല്ലബോധ്യമുണ്ടായിരുന്നു. കരള്‍മാറ്റിവെക്കല്‍ പ്രതീക്ഷയായിരുന്നെങ്കിലും തടസ്സങ്ങളുടെ പരമ്പരതന്നെ അക്കാര്യത്തിലുണ്ടായി.

ഒടുവില്‍ അമ്പിളിഡോക്ടര്‍ വിടവാങ്ങി. മരിച്ചശേഷം കുറച്ചുനാള്‍ കഴിഞ്ഞ് ഒരുദിവസം അമല മെഡിക്കല്‍ കോളേജില്‍നിന്ന് വിദ്യാര്‍ഥികളും ഡോക്ടര്‍മാരും രവിയെ കാണാനെത്തി. അവരുടെ കൈവശം ഒരു കോളേജ് മാഗസിന്‍. അത് നല്‍കാനാണെത്തിയത്. 'വേരുകള്‍' എന്ന പേരില്‍ അമ്പിളി എഴുതിയ ഒരു കവിത അതിലുണ്ട്. വായിച്ചുനോക്കിയ രവി അമ്പരന്നു. ഇങ്ങനൊന്ന് അദ്ദേഹം കണ്ടിട്ടില്ല. മനസ്സൊന്നു പിടഞ്ഞു. 'വേരുകളില്ലാത്ത പാഴ്മരംപോലൊരു ജീവിതമിനിയെനിക്കെന്തിനാകാം... നിത്യമായ് തീരുമെന്നാശിച്ചതൊക്കെയും സത്യത്തിന്‍സങ്കല്പമായിരുന്നു'

രാവിലെ ഉഷാറായി ഒരു കട്ടന്‍, പിന്നെ പച്ചക്കറി കൃഷി; ടി.ജി രവി ഇപ്പോള്‍ ഇങ്ങനെയാണ്‌.

പിന്നീട് ആഫ്രിക്കയില്‍ മകന്‍ രഞ്ജിത്തിനടുത്തേക്ക് കുറേനാള്‍ താമസിക്കാന്‍ പോയപ്പോള്‍ ഗായിക ചിത്ര അവിടെ ഒരിക്കല്‍ എത്തി. ചിത്രയെക്കണ്ട് രവി ഇങ്ങനെ അഭ്യര്‍ഥിച്ചു. ഈ കവിത ഒന്നുപാടി റെക്കോഡ് ചെയ്തുതരുമോ? കവിത വായിച്ച ചിത്ര തിരിച്ച് ഒരു അഭ്യര്‍ഥന. രവിയേട്ടന്‍ ഇതിന് എനിക്ക് പ്രതിഫലം തരരുത്. അങ്ങനെ തൃശ്ശൂരിലെ സണ്ണിമാഷ് ഈണമിട്ട ട്യൂണുമായി ഇളയമകന്‍ ചെന്നെയിലെത്തി ചിത്രയ്ക്ക് കൈമാറി. ആ കവിത ഇപ്പോള്‍ യുട്യൂബിലുണ്ട്. ഒരു ദിവസം ഒരിക്കലെങ്കിലും രവിയുടെ മൊബൈലില്‍ 'വേരുകള്‍' കേള്‍ക്കാം. അമ്പിളി ഉപയോഗിച്ചിരുന്ന മൊബൈല്‍ ഫോണാണ് ഇപ്പോള്‍ അദ്ദേഹത്തിന്റെ മറ്റൊരു ആത്മബലം.

Content Highlights: TG ravi shares his memory about Late wife Ambili, Interview


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022

Most Commented