നടൻ ജയപ്രകാശ് റെഡ്‌ഡി അന്തരിച്ചു, Jaya Prakash Reddy,Telugu Movie

08 September 2020, 03:14 PM IST

ആന്ധ്രാ പോലീസിൽ സബ് ഇൻസ്പെക്ടർ ആയിരുന്ന ജയപ്രകാശ് 1988ലാണ് സിനിമയിൽ അരങ്ങേറ്റം കുറിക്കുന്നത്.

Photo: Sudheer Babu|Twitter

ഹെെദരാബാദ്: തെലുങ്ക് നടൻ ജയപ്രകാശ് റെഡ്ഡി (74) അന്തരിച്ചു. ഗുണ്ടൂരിലെ വീട്ടിൽ വച്ച് ഹൃദയാഘാതത്തെ തുടർന്നായിരുന്നു അന്ത്യം. ഈ വർഷം റിലീസായ മഹേഷ് ബാബു നായകനായ സരിലേരു നീക്കെവ്വാരു ആണ് അവസാന ചിത്രം.

ആന്ധ്രാ പോലീസിൽ സബ് ഇൻസ്പെക്ടർ ആയിരുന്ന ജയപ്രകാശ് 1988ലാണ് സിനിമയിൽ അരങ്ങേറ്റം കുറിക്കുന്നത്. വെങ്കടേശിന്റെ ബ്രഹ്മ പുത്രുഡുവായിരുന്നു ആദ്യചിത്രം. വില്ലനായും ഹാസ്യതാരമായും നൂറിലേറെ ചിത്രങ്ങളിൽ വേഷമിട്ടു.

ബാലകൃഷ്ണ നായകനായ സമരസിംഹ റെഡ്ഡി, പ്രേമിച്ചുകുണ്ഡം റാജുലായി, റെഡി, കിക്ക്, കബഡി കബഡി എന്നിവയെല്ലാം അദ്ദേഹം ശ്രദ്ധേയമായ വേഷങ്ങൾ കൈകാര്യം ചെയ്ത ചിത്രങ്ങളാണ്.

ജയപ്രകാശ് റെഡ്ഡിയുടെ മരണത്തിൽ ജെനീലിയ ദേശ്മുഖ്, കാജൽ അഗർവാൾ, മഹേഷ് ബാബു, ജൂനിയർ എൻടിആർ, പ്രകാശ് രാജ്, സംഗീത സംവിധായകൻ എസ് തമൻ, സംവിധായകൻ എസ്.എസ്.രാജമൗലി, മുൻ ആന്ധ്രമുഖ്യമന്ത്രി ചന്ദ്രബാബു നായിഡു എന്നിവർ അനുശോചനം രേഖപ്പെടുത്തി.

Content Highlights: Telugu Actor Jaya Prakash Reddy passes away