നിയമസഭാ തിരഞ്ഞെടുപ്പിൽ പരാജയപ്പെട്ടെങ്കിലും തൃശൂർകാർക്ക് വേണ്ടി പ്രവർത്തിക്കാനും അവരുടെ ആവശ്യങ്ങൾ നിറവേറ്റാനും  മുന്നിൽ തന്നെയുണ്ടാകുമെന്ന് ന‍ടൻ സുരേഷ് ഗോപി. തൃശൂര്‍ മണ്ഡലത്തിലെ വോട്ടര്‍മാര്‍ക്ക് നന്ദി അറിയിച്ചുകൊണ്ട് പങ്കുവച്ച കുറിപ്പിലാണ് സുരേഷ് ​ഗോപി ഇക്കാര്യം വ്യക്തമാക്കിയത്. 

"തൃശൂരിന് എന്റെ നന്ദി! എനിക്ക് വോട്ട് നൽകിയ തൃശൂരിലെ പ്രബുദ്ധരായ വോട്ടർമാർക്ക് നന്ദി! നൽകാത്തവർക്കും നന്ദി! ഏതൊരു മത്സരവും ഒരു പാഠമാണ്. ജയമോ പരാജയമോ നോക്കാതെ ഇനിയും തൃശൂർകാർക്ക് വേണ്ടി പ്രവർത്തിക്കാനും അവരുടെ ആവശ്യങ്ങൾ നിറവേറ്റാനും ഞാൻ മുന്നിൽ തന്നെയുണ്ടാകും എന്നൊരു ഉറപ്പ് നൽകുന്നു. എല്ലാവരോടും സ്നേഹം മാത്രം"–സുരേഷ് ഗോപി ഫെയ്സ്ബുക്കിൽ കുറിച്ചു.

തൃശൂരിന് എന്റെ നന്ദി! എനിക്ക് വോട്ട് നൽകിയ തൃശൂരിലെ പ്രബുദ്ധരായ വോട്ടർമാർക്ക് നന്ദി! നൽകാത്തവർക്കും നന്ദി! ഏതൊരു...

Posted by Suresh Gopi on Wednesday, 5 May 2021

തൃശൂർ മണ്ഡലത്തിൽ ബിജെപി സ്ഥാനാർ‌ഥിയായാണ് സുരേഷ് ​ഗോപി ജനവിധി തേടിയത്. ആദ്യ മണിക്കൂറുകളിൽ ലീഡ് ചെയ്തെങ്കിലും ശക്തമായ ത്രികോണ മത്സരത്തിനൊടുവിൽ മൂന്നാം സ്ഥാനത്തേക്ക് പിന്തള്ളപ്പെടുകയായിരുന്നു. 1,215 വോട്ടിന്റെ ലീഡില്‍ എൽഡിഎഫിന്റെ പി ബാലചന്ദ്രന്‍ ആണ് വിജയിച്ചത്. യുഡിഎഫ് സ്ഥാനാർഥി പത്മജ വേണുഗോപാലായിരുന്നു രണ്ടാം സ്ഥാനത്ത്. 

content highlights : suresh gopi thanks voters in thrissur assembly polls