08 April 2020, 01:55 PM IST

1 min read

Read later

Supriya|Instagram

ബ്ലെസി സംവിധാനം ചെയ്യുന്ന 'ആടുജീവിതം' സിനിമയുടെ ചിത്രീകരണത്തിനായി ജോര്‍ദാനില്‍ പോയ പൃഥ്വിരാജ് തിരിച്ചുവരുന്നതും കാത്തിരിക്കുകയാണ് ഭാര്യ സുപ്രിയ. ലോക്ക്ഡൗണും യാത്രാനിയന്ത്രണങ്ങളും ഉള്ളതിനാല്‍ നാട്ടിലേക്ക് വരാനാകാതെ 54 പേരോളമടങ്ങുന്ന പൃഥ്വിരാജ്, ബ്ലെസി അടങ്ങിയ ചിത്രീകരണ സംഘം ജോര്‍ദാനില്‍ കഴിയുകയാണ്.

പൃഥ്വരാജ് ഒപ്പം ഇല്ലാത്തിന്റെ സങ്കടവും ഇങ്ങനൊരവസ്ഥയില്‍ മറുനാട്ടില്‍ നില്‍ക്കുന്നതിന്റെ ആശങ്കയും സുപ്രിയയുടെ ഓരോ പോസ്റ്റിലും വ്യക്തമാണ്.

'എങ്ങും മരണത്തിന്റെ രോഗത്തിന്റെയും വാര്‍ത്തകള്‍ നിറഞ്ഞ് നില്‍ക്കുന്ന ആശങ്കയില്‍ കഴിയുന്ന ഈ സമയത്ത് ആകാശത്ത് പ്രത്യക്ഷപ്പെട്ട ഇരട്ടമഴവില്ല്. വരാനിരിക്കുന്ന നല്ല നാളേയിലേക്ക് ചെറിയ പ്രതീക്ഷയുടെ വെളിച്ചം എന്നില്‍ കൊണ്ടുവന്നു. ഇതൊരു സൂചനായായിരിക്കുമോ?' എന്ന അടിക്കുറിപ്പോടെയാണ് സുപ്രിയ ഫോട്ടോ പങ്കുവെച്ചിരിക്കുന്നത്. കഴിഞ്ഞ ദിവസം പലയിടത്തും വേനല്‍മഴ ലഭിച്ചിരുന്നു, പലയിടങ്ങളിലായി മഴവില്ലും പ്രത്യക്ഷപ്പെട്ടിരുന്നു. പൃഥ്വിയുടെ തിരിച്ചുവരവിനായി കാത്തിരിക്കുന്നു എന്നും അവര്‍ കൂട്ടിച്ചേര്‍ത്തു.

വിഷമിക്കണ്ട, രാജുവേട്ടന്‍ പെട്ടെന്ന് തിരിച്ചുവരും, ഞങ്ങളും പ്രാര്‍ഥിക്കുന്നുണ്ട്, പൃഥ്വിക്കായി ഞങ്ങളും കാത്തിരിക്കുന്നു തുടങ്ങി നിരവധി കമന്റുകളാണ് പോസ്റ്റിന് വന്നിരിക്കുന്നത്.

രോഗം പടരുന്ന സാഹചര്യത്തില്‍ ആടുജീവിതത്തന്റെ ചിത്രീകരണം താത്കാലികമായി നിര്‍ത്തിവെച്ചിരിക്കുകയാണെന്ന് കഴിഞ്ഞ ദിവസം പൃഥ്വിരാജ് തന്നെ അറിയിച്ചിരുന്നു. എന്നാല്‍ എല്ലാവരും അവിടെ സുരക്ഷിതരാണെന്നും എത്രയും പെട്ടെന്ന് നാട്ടിലേക്ക് മടങ്ങാന്‍ കഴിയുമെന്ന പ്രതീക്ഷയിലാണെന്നും അദ്ദേഹം പറഞ്ഞിരുന്നു.

Content Highlights: Supriya being hopeful over seeing double rainbow waiting Prithviraj return from Jordan