സണ്ണി ലിയോണും പായൽ രാജ്പുത്തും നായികമാർ, നായകനായി വിഷ്ണു മഞ്ചു; വരുന്നൂ 'ജിന്നാ', sunny leone, payal rajput, vishnu manchu movie, ginna

12 July 2022, 04:28 PM IST

സണ്ണി ലിയോൺ, വിഷ്ണു മഞ്ചു, പായൽ രാജ്പുത് | ഫോട്ടോ: സ്ക്രീൻഗ്രാബ്, പി.ടി.ഐ, എ.എഫ്.പി

ഈഷാന്‍ സൂര്യ സംവിധാനം ചെയ്യുന്ന തെലുങ്ക് താരം വിഷ്ണു മഞ്ചുവിന്റെ പുതിയ ചിത്രം 'ജിന്നാ' യുടെ ആദ്യ ദൃശ്യങ്ങള്‍ പുറത്ത്. പായല്‍ രാജ്പുത്, സണ്ണി ലിയോണ്‍ എന്നിവരുള്‍പ്പെടെയുള്ള വന്‍താരനിര അണിനിരക്കുന്ന ചിത്രമാണ് ജിന്നാ.

ഈഷാന്‍ സൂര്യ സംവിധാനം ചെയ്യുന്ന ചിത്രം അവാ എന്റര്‍ടെയ്ന്‍മെന്റ്‌സിന്റെ ബാനറില്‍ വിഷ്ണു തന്നെയാണ് നിര്‍മ്മിച്ചിരിക്കുന്നത്. കോമഡി ആക്ഷന്‍ ത്രില്ലറായിരിക്കും ചിത്രമെന്നാണ് അണിയറപ്രവര്‍ത്തകര്‍ നല്‍കുന്ന സൂചന.

അനൂപ റൂബന്‍സ് സംഗീതം നല്‍കുന്ന ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത് ഛോട്ടാ കെ നായിഡു ആണ്. മലയാളമടക്കം ബഹുഭാഷ റിലീസായി ചിത്രം തിയേറ്ററിലെത്തുമെന്ന് നിര്‍മാതാവ് കൂടിയായ വിഷ്ണു മഞ്ചു അറിയിച്ചു.