ബാഹുബലിയുടെ രണ്ടാം ഭാഗത്തിന് ശേഷം എസ്.എസ് രാജമൗലി മഹാഭാരതം ഒരുക്കുന്നുവെന്ന വാര്‍ത്തകള്‍ പ്രചരിക്കാന്‍ തുടങ്ങിയിട്ട് ഏറെക്കാലമായി.
400 കോടിയോളം ചെലവ് കണക്കാക്കുന്ന ചിത്രത്തില്‍ മോഹന്‍ലാലും രജനികാന്തും ആമിര്‍ ഖാനും പ്രധാനവേഷങ്ങളിൽ എത്തുന്നുവെന്നതാണ് ഏറ്റവും പുതിയ വാര്‍ത്ത.
ബാഹുബലിയുടെ തിരക്കുകള്‍ തീർന്നശേഷമേ രാജമൗലി മറ്റൊരു ചിത്രത്തിന്റെ പണിപ്പുരയിലേക്ക് പ്രവേശിക്കുകയുള്ളു എന്ന് സംവിധായകനോടടുത്ത വൃത്തങ്ങള്‍ പറയുന്നു.
ദംഗലിന്റെ പ്രചരണ പരിപാടിയില്‍ ആമിര്‍ രാജമൗലിയുടെ ചിത്രത്തില്‍ അഭിനയിക്കാനുള്ള ആഗ്രഹം തുറന്ന് പറഞ്ഞിരുന്നു. മഹാഭാരതത്തില്‍ അഭിനയിക്കുകയാണെങ്കില്‍ കൃഷ്ണന്റെ വേഷം അവതരിപ്പിക്കാനാണ് തനിക്ക് ആഗ്രഹമെന്നും അമിര്‍ വ്യക്തമാക്കിയിരുന്നു.
