ക്വാറന്റീന്‍ ലംഘിച്ചുവെന്ന് വിമര്‍ശനം, മറുപടി നല്‍കി സോനം കപൂര്‍, sonam kapoor,quarantine,covid 19,corona virus,lockdown,self quarantine

20 July 2020, 04:16 PM IST

1 min read

Read later

കുറച്ചു ദിവസങ്ങൾക്ക് മുമ്പാണ് നടി സോനം കപൂർ ഭർത്താവിനൊപ്പം ലണ്ടനിലെത്തിയത്. ലണ്ടനിലെ ക്വാറന്റീൻ ജീവിതത്തിന്റെ ചില ചിത്രങ്ങളും വീഡിയോകളും സോനം കപൂർ പങ്കുവെച്ചിരുന്നു. ഭർത്താവ് ആനന്ദ് അഹൂജ വീട്ടിലിരുന്ന് ജോലി ചെയ്യുന്നതിന്റെ ചിത്രവും നടി പങ്കുവെച്ചിരുന്നു. കൂട്ടത്തിൽ ഇരുവരും താമസിക്കുന്നയിടത്തെ പൂന്തോട്ടത്തിൽ നിന്നുള്ള കായലോര ദൃശ്യവും സോനം കപൂർ പങ്കുവെച്ചിരുന്നു. ഇതിനു പിന്നാലെ നിരവധി വിമർശനങ്ങളാണ് നടിക്ക് നേരിടേണ്ടി വന്നിരിക്കുന്നത്.

നടി ക്വാറന്റീൻ ലംഘിച്ചുവെന്ന ആരോപണവുമായി ഒരു കൂട്ടം ആളുകൾ രംഗത്തു വന്നു. ബോളിവുഡ് നടിമാരായ സോനം കപൂറും മൗനി റോയിയും 14 ദിവസത്തെ ക്വാറന്റീൻ നിയമങ്ങൾ തെറ്റിച്ചുവെന്നും തെറ്റായ മാതൃക കാട്ടി സോഷ്യൽമീഡിയയിൽ പ്രചരിപ്പിക്കുകയാണെന്നും അവരെ അറസ്റ്റ് ചെയ്യണമെന്നുമാണ് വിമർശനങ്ങൾ ഉയർന്നത്.

ആരോപണങ്ങൾ നിഷേധിച്ച് നടി ഇപ്പോൾ രംഗത്തു വന്നിരിക്കുകയാണ്. താൻ സ്വന്തം വീടിനു പുറത്തെ പൂന്തോട്ടത്തിലിരിക്കുന്ന വീഡിയോ ആണ് പോസ്റ്റ് ചെയ്തതെന്നും നടി പറയുന്നു. നടിയെ പിന്തുണച്ചും നിരവധി പേർ എത്തിയിട്ടുണ്ട്. സോനം കപൂർ ക്വാറന്റീനിലാണെന്നും നടിയുടെ ഇൻസ്റ്റാഗ്രാം പരിശോധിച്ചാൽ അതറിയാമെന്നും നടിയെ പിന്തുണച്ചവർ പറയുന്നു. വീടിനോടു ചേർന്നുള്ള പൂന്തോട്ടത്തിൽ നിന്നുള്ള വീഡിയോ ആണ് പങ്കുവെച്ചതെന്നും താൻ ക്വാറന്റീനിലാണെന്നും വിമർശനങ്ങൾക്ക് ചെവി കൊടുക്കുന്നില്ലെന്നും സോനം കപൂർ ട്വീറ്റ് ചെയ്തു.

Content Highlights :sonam kapoor gives reply to criticisms tweet instagram post breaks quarantine rules