ലളിതമായ, ജനങ്ങളിലേക്ക് എത്തിച്ചേരുന്ന ​ഗാനങ്ങൾ; ഭൂപീന്ദർ സിം​ഗിനെ ഓർമിച്ച് മഞ്ജരി


സ്വന്തം ലേഖകൻ

അദ്ദേഹത്തിന്റെ പാട്ടുകൾ കേൾക്കുന്ന, ഇഷ്ടപ്പെടുന്നവർക്ക് അതൊരു വലിയ നഷ്ടം തന്നെയാണ്.

മഞ്ജരി, ഭൂപിന്ദർ സിം​ഗ് | ഫോട്ടോ: www.facebook.com/manjarisingerofficial/photos, പി.ടി.ഐ

അന്തരിച്ച വിഖ്യാത ​ഗസൽ ​ഗായകൻ ഭൂപീന്ദർ സിം​ഗിനെ ഓർമ്മിച്ച് ​ഗായിക മഞ്ജരി. സം​ഗീത സംവിധായകൻ എന്ന നിലയ്ക്കായാലും ​ഗായകനെന്ന നിലയിലായാലും വളരെ വ്യത്യസ്തമായ ഒരു ശബ്ദത്തിനുടമയായിരുന്നു ഭൂപീന്ദർ സിം​ഗ് എന്ന് അവർ പറഞ്ഞു. മാതൃഭൂമി ഡോട്ട് കോമിനോടായിരുന്നു മഞ്ജരിയുടെ പ്രതികരണം.

"അദ്ദേഹത്തെ ഞാൻ ബോംബെയിലുള്ള സമയത്ത് നേരിട്ട് കണ്ടിട്ടുണ്ട്. ​ഗസൽ ​ഗായകൻ തലത്ത് അസീസ് സാറുമൊത്ത് ഒരുപാട് സം​ഗീത പരിപാടികൾ ഞാൻ ചെയ്തിട്ടുണ്ട്. അങ്ങനെയൊരു പരിപാടി കാണാൻ ഭൂപീന്ദർ സർ വന്നിരുന്നു. അദ്ദേഹത്തെ അറിയാം. സം​ഗീത സംവിധായകൻ എന്ന നിലയ്ക്കായാലും ​ഗായകനെന്ന നിലയിലായാലും വളരെ വ്യത്യസ്തമായ ഒരു ശബ്ദത്തിനുടമയായിരുന്നു ഭൂപീന്ദർ സിം​ഗ്". മഞ്ജരി പറഞ്ഞു.

"ഞാൻ ഹയാൽ എന്ന പ്രോ​ഗ്രാം ചെയ്യുന്ന സമയത്താണ് ആദ്യമായി അദ്ദേഹത്തിന്റെ ​ഗാനം അവതരിപ്പിക്കുന്നത്. അദ്ദേഹവും ഭാര്യ മിതാലിയും ഒരുമിച്ചായിരുന്നു ​പ്രോ​ഗ്രാമുകൾ ചെയ്തിരുന്നത്. അത് കാണാനും സാധിച്ചിട്ടുണ്ട്. ഇപ്പോൾ വളരെ ഷോക്കിങ് ആയ കാര്യങ്ങളാണല്ലോ നമ്മൾ കേട്ടുകൊണ്ടിരിക്കുന്നത്. അദ്ദേഹത്തിന്റെ വിയോ​ഗം തീരെ വിശ്വസിക്കാൻ പറ്റുന്നില്ല. അടുത്തകാലം വരെ പാടിയിരുന്ന ​ഗായകനാണ്. ശബ്ദത്തിനൊന്നും ഒരു കുഴപ്പവുമില്ലാതിരുന്ന സമയംതന്നെയായിരുന്നു. അദ്ദേഹത്തിന്റെ പാട്ടുകൾ കേൾക്കുന്ന, ഇഷ്ടപ്പെടുന്നവർക്ക് അതൊരു വലിയ നഷ്ടം തന്നെയാണ്."

അന്നത്തെ കാലത്ത് ബോളിവുഡിൽ വന്ന ശബ്ദങ്ങളിൽ വളരെ വ്യത്യസ്തതയുള്ള ശബ്ദമായിരുന്നു ഭൂപീന്ദർ സാറിന്റേത്. അതായിരുന്നു അദ്ദേഹത്തിന്റെ വ്യക്തിത്വവും. പാടിയതെല്ലാം ഹിറ്റായ പാട്ടുകളാണ്. ബോളിവുഡിൽ നിന്ന് മാറി സ്വതന്ത്രമായി സം​ഗീതം ചെയ്യാൻ തുടങ്ങിയപ്പോൾ ലളിതമായ, ജനങ്ങളിലേക്ക് എത്തിച്ചേരുന്ന ​ഗാനങ്ങളാണ് ചെയ്തതും. നമ്മളിവിടെ ഭാസ്കരൻ മാസ്റ്ററുടെ വരികളേക്കുറിച്ച് പറയാറുണ്ടല്ലോ. അതുപോലെയുള്ള സം​ഗീതമാണ് ഭൂപീന്ദർ സിങ്ങിന്റേതെന്നും മഞ്ജരി കൂട്ടിച്ചേർത്തു.

Content Highlights: Manjari on Gazal Singer Bhupinder Singh, Bhupinder Singh Passed Away

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022

Most Commented