-
സിനിമയിലും ജീവിതത്തിലും നിരവധി പ്രണയ കഥകളിലെ നായകനാണ് തമിഴകത്തിന്റെ സ്വന്തം ചിമ്പു. പ്രണയങ്ങളും പ്രണയ പരാജയങ്ങളും വാർത്തയായിട്ടുള്ള താരത്തിന്റെ വിവാഹത്തെക്കുറിച്ചുള്ള പുതിയ വാർത്തയാണ് ഇപ്പോൾ ഗോസിപ് കോളങ്ങളിലെ ചർച്ചാ വിഷയം. ലണ്ടൻ സ്വദേശിയായ യുവതിയുമായി ലോക്ക്ഡൗൺ തീരുന്നതോടെ ചിമ്പുവിന്റെ വിവാഹം ഉണ്ടാവുമെന്നാണ് വാർത്തകൾ പ്രചരിക്കുന്നത്.
എന്നാൽ ഇതിനോട് പ്രതികരിച്ച് രംഗത്തെത്തിയിരിക്കുകയാണ് ചിമ്പുവിന്റെ മാതാപിതാക്കളായ ടി.രാജേന്ദറും ഭാര്യ ഉഷ രാജേന്ദറും. തങ്ങൾ ചിമ്പുവിന് അനുയോജ്യയായ പെൺകുട്ടിക്കായുള്ള അന്വേഷണത്തിലാണെന്നും എന്നാൽ ഇപ്പോൾ പ്രചരിക്കുന്ന വാർത്തകൾ വ്യാജമാണെന്നും ഇവർ പ്രതികരിച്ചു.
"ചിമ്പുവിന് ജാതകമനുസരിച്ച് പൊരുത്തമുള്ള അനുയോജ്യയായ വധുവിനായുള്ള അന്വേഷണത്തിലാണ് ഞങ്ങൾ. ആ പെൺകുട്ടിയെ കണ്ടെത്തിയാൽ അറിയിക്കുന്നതായിരിക്കും. അതുവരെ ഞങ്ങളുടെ മകന്റെ വിവാഹത്തെക്കുറിച്ചുള്ള വ്യാജ വാർത്തകൾ പ്രചരിപ്പിക്കരുത്". രാജേന്ദർ പത്രസമ്മേളനത്തിൽ വ്യക്തമാക്കി.
2019-ൽ പുറത്തിറങ്ങിയ 'വന്താ രാജാവാതാൻ വരുവേൻ' എന്ന ചിത്രത്തിലാണ് ചിമ്പു അവസാനം വേഷമിട്ടത്. ലോക്ക്ഡൗണിനിടയിൽ ഗൗതം വാസുദേവ് മേനോൻ ഒരുക്കിയ കാർത്തിക് ഡയൽ സെയ്താൽ എൻ എന്ന ഹ്രസ്വ വീഡിയോയിൽ ചിമ്പു വേഷമിട്ടിരുന്നു. 2010-ൽ പുറത്തിറങ്ങിയ വിണ്ണൈതാണ്ടി വരുവായാ എന്ന ചിത്രത്തിന്റെ തുടർച്ചയെന്നോണം ഒരുക്കിയ ഈ വീഡിയോയിൽ തൃഷയും ചിമ്പുവും മാത്രമാണ് വേഷമിട്ടത്. ഇത് മികച്ച പ്രേക്ഷക പ്രതികരണവും നേടിയിരുന്നു.
Content Highlights : Silambarasan Chimbu To Marry London Based lady Rajendar On Rumours
RELATED STORIES
IN CASE YOU MISSED IT
.jpg?$p=a80322e&f=1x1&w=100&q=0.8)
.jpg?$p=2922c1a&f=1x1&w=100&q=0.8)
.jpg?$p=0bdc8b7&f=1x1&w=100&q=0.8)
.jpg?$p=ada105f&q=0.8&f=16x11&w=104)
.jpg?$p=22d1829&q=0.8&f=16x11&w=104)
.jpg?$p=7505fce&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..