ഒരുപാട് പേരുടെ കഠിനാധ്വാനമാണെന്ന് ശിൽപ; കുന്ദ്രയുടെ അറസ്റ്റിന് പിന്നാലെ 'ഹംഗാമ 2'റിലീസിന്


പ്രിയദർശനാണ് ഹം​ഗാമ 2 സംവിധാനം ചെയ്യുന്നത്.

Shilpa

നീലച്ചിതനിര്‍മാണ കേസില്‍ വ്യവസായിയും ബോളിവുഡ് നടി ശിൽപ ഷെട്ടിയുടെ ഭർത്താവുമായ രാജ് കുന്ദ്ര അറസ്റ്റിലായത് ബോളിവുഡിനെ അക്ഷരാർഥത്തിൽ ഞെട്ടിച്ചു. കുന്ദ്രയുടെ അറസ്റ്റിന് പിന്നാലെ ശിൽപയ്ക്കും കുന്ദ്രയ്ക്കുമെതിരേ വിമർശനങ്ങളും സൈബർ ആക്രമണങ്ങളും ട്രോളുകളും ശക്തമായിരുന്നു. ഈ പ്രശ്നങ്ങൾക്കിടയിലാണ് ശിൽപ 13 വർഷത്തിന്ശേഷം മുഴുനീള വേഷത്തിലെത്തുന്ന ഹം​ഗാമ 2 പ്രദർശനത്തിന് എത്തിയിരിക്കുകയാണ്.

കുന്ദ്രയുടെ അറസ്റ്റും അനുബന്ധ വിഷയങ്ങളും ചിത്രത്തിന്റെ പ്രദർശനത്തിന് ബുദ്ധിമുട്ട് ഉണ്ടാക്കരുതെന്ന് അഭ്യർഥിച്ച് രം​ഗത്തെത്തിയിരിക്കുകയാണ് ഇപ്പോൾ‌ ശിൽപ.

"യോഗയുടെ അനുശാസനങ്ങളിലാണ് ഞാന്‍ വിശ്വസിക്കുന്നതും അഭ്യസിക്കുന്നതും. ജീവൻ നിലനില്‍ക്കുന്ന ഒരേയൊരിടം ഈ നിമിഷമാണ്. ഹംഗാമ 2ല്‍ ഒരു വലിയ സംഘത്തിന്‍റെ കഠിനാധ്വാനമുണ്ട്. ഒരു നല്ല ചിത്രം നിര്‍മ്മിക്കാനായി എല്ലാവരും കഷ്ടപ്പെട്ടു. ആ സിനിമയ്ക്ക് ബുദ്ധിമുട്ടൊന്നും ഉണ്ടാവരുത്. നിങ്ങളുടെ മുഖത്ത് ഒരു പുഞ്ചിരി വരുത്തുവാൻ കുടുബങ്ങള്‍ക്കൊപ്പം ഹംഗാമ 2 കാണുവാൻ ഏവരോടും ഞാന്‍ അഭ്യര്‍ഥിക്കുന്നു. നന്ദി", ശില്‍പ ഷെട്ടി സോഷ്യല്‍ മീഡിയയില്‍ കുറിച്ചു.

പ്രിയദർശനാണ് ഹം​ഗാമ 2 സംവിധാനം ചെയ്യുന്നത്. പ്രിയദർശന്റെ തന്നെ സംവിധാനത്തിൽ 94 ൽ പുറത്തിറങ്ങിയ സൂപ്പർഹിറ്റ് മലയാള ചിത്രം മിന്നാരത്തിന്റെ റീമേയ്ക്ക് ആണ് ഹം​ഗാമ 2. ശിൽപയ്ക്ക് പുറമേ പരേഷ് റാവൽ, മീസാൻ ജഫ്രി, പ്രണിത സുഭാഷ്, അശുതോഷ് റാണ തുടങ്ങിയവരാണ് ഹം​ഗാമ 2ലെ അഭിനേതാക്കൾ. ഡിസ്നി ഹോട്ട്സ്റ്റാർ മൾട്ടിപ്ലക്സിലൂടെയാണ് ചിത്രം പ്രദർശനത്തിനെത്തിയത്.

Content Highlights : Shilpa Shetty urges fans to watch Hungama 2 as Raj Kundra gets sent to jail, says film shouldn’t suffer

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented