.png?$p=c0551d8&f=16x10&w=852&q=0.8)
പഠാൻ പോസ്റ്റർ | photo: facebook/shahrukh khan
ഷാരൂഖ് ഖാന്റെ കരിയറിലെ ഏറ്റവും വലിയ ബോക്‌സോഫീസ് ഹിറ്റിലേക്ക് കുതിക്കുകയാണ് പഠാന്‍. ആറാം ദിനത്തിലേയ്ക്ക് കടക്കുന്ന ചിത്രം 500 കോടി ക്ലബില്‍ കടന്നുവെന്നാണ് പുറത്തുവരുന്ന റിപ്പോര്‍ട്ടുകള്‍ വ്യക്തമാക്കുന്നത്.
റിലീസായ ആദ്യ അഞ്ച് ദിനങ്ങള്‍ കൊണ്ട് ചിത്രം 542 കോടി നേടിയെന്നാണ് പ്രമുഖ അനലിസ്റ്റായ തരണ്‍ ആദര്‍ശ് പറയുന്നത്. ഇന്ത്യയിലും വിദേശ രാജ്യങ്ങളിലും ചിത്രത്തിന് മികച്ച പ്രതികരണമാണ് ലഭിക്കുന്നത്.
ആദ്യ ദിനം ആഗോളതലത്തില്‍ ചിത്രം 100 കോടിയിലധികം നേടിയിരുന്നു. ഇന്ത്യയില്‍ നിന്ന് മാത്രം ആദ്യ ദിനം 57 കോടിയോളം രൂപ നേടിയെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. ഒരു ഹിന്ദി ചിത്രം ഇന്ത്യയില്‍ നിന്ന് സ്വന്തമാക്കുന്ന ഏറ്റവും ഉയര്‍ന്ന കളക്ഷനാണിത്. 53.3 കോടി ആദ്യ ദിനം നേടിയ ഹൃത്വിക് റോഷന്‍ ചിത്രം 'വാറി'നെയാണ് പഠാന്‍ മറികടന്നത്.
ഷാരൂഖ് ഖാനൊപ്പം ദീപിക പദുകോണും ജോണ്‍ എബ്രഹാമും പ്രധാന വേഷത്തിലെത്തുന്ന പഠാന്‍ സംവിധാനം ചെയ്തിരിക്കുന്നത് സിദ്ധാര്‍ഥ് ആനന്ദാണ്. നാല് വര്‍ഷത്തെ ഇടവേളക്ക് ശേഷം ഷാരൂഖ് ഖാന്‍ നായകനായെത്തുന്ന ചിത്രമാണിത്.
2018ല്‍ പുറത്തിറങ്ങിയ സീറോയിലാണ് ഷാരൂഖ് ഒടുവില്‍ വേഷമിട്ടത്. പത്താന് പിന്നാലെ അറ്റ്‌ലീ സംവിധാനം ചെയ്യുന്ന ചിത്രവും രാജ്കുമാര്‍ ഹിരാനി ചിത്രവും ഷാരൂഖിന്റേതായി അണിയറയില്‍ ഒരുങ്ങുന്നുണ്ട്.
Content Highlights: sharukh khan film pathan enters 500 crore club in 5 days
Also Watch
RELATED STORIES
.png?$p=c0551d8&f=1x1&w=100&q=0.8)
.png?$p=5eeeb6c&f=1x1&w=100&q=0.8)
.png?$p=ff6336c&f=1x1&w=100&q=0.8)
IN CASE YOU MISSED IT
.jpg?$p=5ab4c51&f=1x1&w=100&q=0.8)
.jpg?$p=afe3202&f=1x1&w=100&q=0.8)
.png?$p=83deaf4&q=0.8&f=16x11&w=104)
.png?$p=b15303e&q=0.8&f=16x11&w=104)
.png?$p=8676a2f&q=0.8&f=16x11&w=104)
.jpg?$p=cd2d653&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..