ഷാരൂഖ് ഖാനും നയൻതാരയും. നയൻതാരയും വിഘ്നേഷ് ശിവനും തമ്മിലുള്ള വിവാഹത്തിനെടുത്ത ചിത്രം | ഫോട്ടോ: www.instagram.com/wikkiofficial/
അഭിനയത്തിൽ വീണ്ടും സജീവമാകാനൊരുങ്ങുകയാണ് നയൻതാര. ഇതിൽ ഏറ്റവും ആരാധകപ്രതീക്ഷയുള്ള ചിത്രമാണ് അറ്റ്ലി സംവിധാനം ചെയ്യുന്ന ബോളിവുഡ് ചിത്രം ജവാൻ. ഇപ്പോഴിതാ നയൻതാരയേയും ജവാനിലെ അവരുടെ കഥാപാത്രത്തേയും മനസുതുറന്ന് അഭിനന്ദിച്ചിരിക്കുകയാണ് സാക്ഷാൽ ഷാരൂഖ് ഖാൻ.
കഴിഞ്ഞ ദിവസം 'ആസ്ക് എസ്ആർകെ' എന്ന പേരിൽ ട്വിറ്ററിലൂടെ ഷാരൂഖ് തന്റെ ആരാധകരുമായി സംവദിച്ചിരുന്നു. ഇതിൽ ഒരാളുടെ ചോദ്യം ജവാനിൽ നയൻതാരയോടൊപ്പം പ്രവർത്തിച്ചത് എങ്ങനെയെന്നും അവരേക്കുറിച്ച് രണ്ട് വാക്ക് പറയണമെന്നുമായിരുന്നു. വളരെ സ്വീറ്റാണ് നയൻതാരയെന്നാണ് ഇതിന് കിങ് ഖാൻ മറുപടി പറഞ്ഞത്.
അവർ വളരെ സ്വീറ്റാണ്. എല്ലാ ഭാഷയും നന്നായി സംസാരിക്കും. വളരെ മികച്ച അനുഭവമായിരുന്നു അത്. ജവാനിലെ അവരുടെ കഥാപാത്രത്തെ ഏവരും ഇഷ്ടപ്പെടുമെന്നാണ് പ്രതീക്ഷ. ആരാധകന് മറുപടിയായി ഷാരൂഖ് ഖാൻ ട്വീറ്റ് ചെയ്തു. ആരാധകരുമായി ട്വിറ്ററിലൂടെ ഇടയ്ക്കിടെ സംസാരിക്കുന്ന സൂപ്പർതാരമാണ് ഷാരൂഖ് ഖാൻ.
ആക്ഷൻ ചിത്രമായാണ് ജവാൻ തിയേറ്ററുകളിലെത്തുക. അറ്റ്ലി ആദ്യമായി സംവിധാനം ചെയ്യുന്ന ബോളിവുഡ് ചിത്രമാണ് ജവാൻ. വിജയ് സേതുപതിയാണ് വില്ലൻവേഷത്തിൽ. സാന്യ മൽഹോത്രയാണ് മറ്റൊരു പ്രധാനവേഷത്തിൽ. ചിത്രത്തിന്റെ ടൈറ്റിൽ പ്രഖ്യാപന വീഡിയോ ഏറെ ശ്രദ്ധ നേടിയിരുന്നു.
Content Highlights: shah rukh khan about nayanthara, jawan movie
Also Watch
RELATED STORIES
IN CASE YOU MISSED IT
.jpg?$p=2922c1a&f=1x1&w=100&q=0.8)
.png?$p=8676a2f&f=1x1&w=100&q=0.8)
.jpg?$p=5ab4c51&f=1x1&w=100&q=0.8)
.png?$p=2bd0e28&q=0.8&f=16x11&w=104)
.png?$p=c0551d8&q=0.8&f=16x11&w=104)
.png?$p=f59f2f4&q=0.8&f=16x11&w=104)
.png?$p=0d6dae0&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..