രഘുനാഥ് പലേരി, അപ്പൻ എന്ന സിനിമയിൽ സണ്ണി വെയ്ൻ
സണ്ണി വെയ്ൻ നായകനായി പുറത്തിറങ്ങാനിരിക്കുന്ന അപ്പൻ എന്ന ചിത്രത്തെ അഭിനന്ദനങ്ങൾ കൊണ്ട് മൂടി തിരക്കഥാകൃത്തും നടനുമായ രഘുനാഥ് പലേരി. സിനിമയുടെ പ്രിവ്യൂ കണ്ടശേഷം ഫെയ്സ്ബുക്കിൽ പങ്കുവെച്ച കുറിപ്പിലാണ് സിനിമയെ അദ്ദേഹം പ്രശംസിച്ചത്.
കുപ്പിച്ചില്ലിന്റെ മൂർച്ചയുള്ള സിനിമയെന്നാണ് അപ്പനെ അദ്ദേഹം വിശേഷിപ്പിച്ചിരിക്കുന്നത്. ഏത് പ്രതലത്തിലാവും റിലീസ് എന്നറിയില്ല. ഏതിലായാലും വല്ലാത്തൊരു മൂർച്ചയുള്ള അനുഭവമാകുമെന്ന് അദ്ദേഹം എഴുതി.
പ്രധാനവേഷത്തിലെത്തിയ സണ്ണി വെയ്ൻ, അലൻസിയർ എന്നിവരേക്കുറിച്ചും അദ്ദേഹം പരാമർശിച്ചിട്ടുണ്ട്. ആദ്യമായാണ് സിനിമയിൽ ഇങ്ങിനെ ഒരപ്പനേയും മകനേയും കാണുന്നതെന്നാണ് ഇരുവരുടേയും കഥാപാത്രങ്ങളേക്കുറിച്ച് രഘുനാഥ് പലേരി അഭിപ്രായപ്പെട്ടത്.
നവാഗതനായ മജുവാണ് ചിത്രം സംവിധാനം ചെയ്യുന്നത്. സംവിധായകനും ആർ ജയകുമാറും ചേർന്നാണ് തിരക്കഥയൊരുക്കിയിരിക്കുന്നത്. ഡോൺ വിൻസെന്റ് സംഗീതവും പപ്പു ഛായാഗ്രഹണവും കിരൺദാസ് എഡിറ്റിങ്ങും നിർവഹിച്ചിരിക്കുന്നു.
ജോസ്കുട്ടി മടത്തിൽ, രഞ്ജിത് മണമ്പറക്കാട്ട് എന്നിവർ ചേർന്നാണ് ചിത്രം നിർമിച്ചിരിക്കുന്നത്. ചിത്രത്തിന്റെ ടീസർ നേരത്തേ തന്നെ മികച്ച അഭിപ്രായം നേടിയിരുന്നു.
Content Highlights: script writer raghunath paleri praised movie appan, sunny wayne, alencier
Also Watch
RELATED STORIES
IN CASE YOU MISSED IT
.jpg?$p=85b4690&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..