Sunny Wayne, Anna Ben
അന്ന ബെന്നിനെ നായികയാക്കി ജൂഡ് ആന്റണി ജോസഫ് സംവിധാനം ചെയ്യുന്ന സാറാസ് എന്ന ചിത്രത്തിലെ ഗാനം പുറത്തുവിട്ടു. മേലെ വിണ്ണിൻ എന്ന് തുടങ്ങുന്ന ഗാനം ആലപിച്ചിരിക്കുന്നത് സൂരജ് സന്തോഷ് ആണ്.
മനു മഞ്ജിത്തിന്റെ വരികൾക്ക് ഷാൻ റഹ്മാനാണ് ഈണം പകർന്നിരിക്കുന്നത്. സണ്ണിവെയ്ൻ ആണ് ചിത്രത്തിലെ നായകൻ. അന്ന ബെന്നിനൊപ്പം ബെന്നി പി. നായരമ്പലവും ചിത്രത്തിൽ അഭിനയിക്കുന്നുണ്ട്.
വിനീത് ശ്രീനിവാസനും ഭാര്യ ദിവ്യയും ആദ്യമായി ഒരുമിച്ച് സിനിമയിൽ പാടുന്നു എന്ന പ്രത്യേകതയും ചിത്രത്തിന് ഉണ്ട്. കൊച്ചി മെട്രോ, ലുലു മാൾ, വാഗമൺ തുടങ്ങി നിരവധി സ്ഥലങ്ങളിൽ ഇരുന്നോറോളം ജൂനിയർ ആർട്ടിസ്റ്റുകളെ അടക്കം ഉൾപ്പെടുത്തി കോവിഡ് കാലത്താണ് ചിത്രം ഒരുക്കിയിരിക്കുന്നത്. കോവിഡ് സുരക്ഷ പൂർണമായി ഒരുക്കിയായിരുന്നു ചിത്രത്തിന്റെ ഷൂട്ട്.
ആമസോൺ പ്രൈമിലൂടെ ജൂലൈ 5-നാണ് ചിത്രത്തിന്റെ റിലീസ്.
ക്ലാസ്മേറ്റ് അടക്കം മലയാളത്തിലെ നിരവധി ഹിറ്റുകൾ സമ്മാനിച്ച നിർമ്മാതാവ് ശാന്ത മുരളിയും പി.കെ. മുരളീധരനുമാണ് ചിത്രം നിർമ്മിക്കുന്നത്. കഥ അക്ഷയ് ഹരീഷ്, നിമിഷ് രവിയാണ് ക്യാമറ.
ലൂസിഫർ, മാമാങ്കം മുതലായ സിനിമകളിലൂടെ ശ്രദ്ധേയനായ മോഹൻദാസ് ആണ് പ്രൊഡക്ഷൻ ഡിസൈൻ. എഡിറ്റിംഗ് റിയാസ് ബാദർ, വസ്ത്രാലങ്കാരം സമീറ സനീഷ്, മേക്കപ്പ് റോണക്സ് സേവ്യർ.
സൗണ്ട് മിക്സിങ് ഡാൻ ജോസ്, പ്രോജക്ട് ഡിസൈനർ ബിനു മുരളി, പ്രൊഡക്ഷൻ കൺട്രോളർ സജീവ് അർജുനൻ, ഫിനാൻസ് കൺട്രോളർ ബിബിൻ സേവ്യർ, ചീഫ് അസോസിയേറ്റ് ഡയറക്ടർ അനീവ് സുകുമാർ, പി.ആർ.ഒ. ആതിര ദിൽജിത്ത്, സ്റ്റിൽസ് സുഹൈബ്, ഡിസൈൻ 24എ.എം.
content highlights : Saras movie song Sunny Wayne Anna Ben Jude Anthany Shaan Rahman Amazon prime release
Also Watch
RELATED STORIES
IN CASE YOU MISSED IT
.jpg?$p=79c0b37&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..