ചിരിപ്പിച്ചും ചിന്തിപ്പിച്ചും ഹൃദയം കീഴടക്കിയിട്ട് കാല്‍നൂറ്റാണ്ട്;സലിംകുമാറിന് ആശംസയുമായി പ്രതാപന്‍


സലീം കുമാർ, ടി.എൻ.പ്രതാപൻ | Photo:Mathrubhumi

സിനിമാജീവിതത്തിന്റെ 25-ാം വാര്‍ഷികം ആഘോഷിക്കുന്ന ചലച്ചിത്ര താരം സലിംകുമാറിന് ആശംസകളുമായി ടി.എന്‍.പ്രതാപന്‍ എം.പി. ഹാസ്യനടന്‍ എന്ന അത്യധികം ശ്രമകരമായ ഇടവും നായക നടന്‍ എന്ന നിലക്കുള്ള പ്രഭാവങ്ങളും അതിശയകരമായ രീതിയില്‍ വെള്ളിത്തിരയില്‍ അവതരിപ്പിച്ച അതുല്യ പ്രതിഭയാണ് സലിം കുമാറെന്ന് ടി.എന്‍.പ്രതാപന്‍ കുറിക്കുന്നു. അഭിനയകലയുടെ കരുത്തുററ മുഖമായ് മുന്നേറുക എന്ന ആശംസയോടെയാണ് പ്രതാപന്‍ തന്റെ കുറിപ്പ് അവസാനിപ്പിക്കുന്നത്.

ടി.എന്‍.പ്രതാപന്‍ ഫെയ്‌സ്ബുക്കില്‍ പങ്കുവെച്ച കുറിപ്പിന്റെ പൂര്‍ണ രൂപം

പതിറ്റാണ്ടുകളായി എനിക്കേറെ സൗഹൃദമുള്ള മലയാളത്തിന്റെ സ്വന്തം സലീംകുമാര്‍ അദ്ധേഹത്തിന്റെ സിനിമാ കരിയറിന്റെ സില്‍വര്‍ ജൂബിലി ആഘോഷിക്കുകയാണ് എന്നത് ഏറെ സന്തോഷിപ്പിക്കുന്ന കാര്യമാണ്.

മലയാളിയെ ചിരിപ്പിച്ചും, ചിന്തിപ്പിച്ചും, തന്റെതായ നിലപാടുകള്‍ ഉറക്കെ പ്രഖ്യാപിച്ചും കാല്‍ നൂറ്റാണ്ട് കാലമായ് സലീംകുമാര്‍ നമ്മുടെയൊക്കെ ഹൃദയത്തിലുണ്ട്. ഒരപൂര്‍വ്വ പ്രതിഭയാണ് സലിം കുമാര്‍ എന്നതില്‍ സംശയമില്ല. ഹാസ്യനടന്‍ എന്ന അത്യധികം ശ്രമകരമായ ഇടവും നായക നടന്‍ എന്ന നിലക്കുള്ള പ്രഭാവങ്ങളും ഏറെ അതിശയകരമായ രീതിയില്‍ വെള്ളിത്തിരയില്‍ അവതരിപ്പിച്ച അതുല്യ പ്രതിഭയാണ് അദ്ദേഹം.

മനുഷ്യ ബന്ധങ്ങള്‍ക്ക് ഏറെ വിലകല്പിക്കുന്ന ഒരു നല്ല സുഹൃത്തായി എന്നും എല്ലാവരുടെയും മനസ്സില്‍ സലിം കുമാറുണ്ട്. എന്റെയും, എന്റെ കുടുംബത്തിന്റെയും സുഖ- ദുഖങ്ങളില്‍ അദ്ധേഹം പങ്കെടുത്തു. എന്റെ മാതാവ് മരണപ്പെട്ടപ്പോള്‍ എന്നെ ആശ്വസിപ്പിക്കാന്‍ ഓടിയെത്തിയവരില്‍ കൂടപിറപ്പിനെ പോലെ കൂടെ നിന്നയാള്‍. എന്റെ എല്ലാ ഇലക്ഷിനിലും എനിക്കൊപ്പം പ്രചരണത്തിന് വന്നിരുന്നു പ്രിയപ്പെട്ട സലീംകുമാര്‍.

പതിറ്റാണ്ടുകളായി എനിക്കേറെ സൗഹൃദമുള്ള മലയാളത്തിൻ്റെ സ്വന്തം സലീംകുമാർ അദ്ധേഹത്തിൻ്റെ സിനിമാ കരിയറിന്റെ സിൽവർ ജൂബിലി...

Posted by T.N. Prathapan on Thursday, 16 September 2021

അദ്ധേഹത്തിന് മികച്ച രചനക്കുള്ള സംസ്ഥാന പുരസ്‌കാരം ലഭിച്ച അദ്ധേഹം തന്നെ സംവിധാനം ചെയ്ത് നായകനായ 'കറുത്ത ജൂതന്‍ ' എന്ന സിനിമ ചെയ്തപ്പോള്‍ എളിയവനായ എന്നെ കൂടി ആ ചിത്രത്തിന്റെ ഭാഗമാക്കിയതിലെ സന്തോഷം പങ്കുവെക്കുന്നു.

എത്രയോ ചിത്രങ്ങളില്‍ മലയാളിയെ പൊട്ടി ചിരിപ്പിക്കാനും, അതുപോലെ ചിന്തിപ്പിക്കാനും കഴിഞ്ഞ അപൂര്‍വ്വം നടന്‍മാരില്‍ ഒരാള്‍ തന്നെയാണ് താങ്കള്‍. മലയാള സിനിമയിലെ ഹാസ്യ ഭാവുകത്വത്തിന്റെ സലിം കുമാര്‍ പ്രത്യേക മേല്‍വിലാസം ഉണ്ടാക്കി. അതോടൊപ്പം, അച്ഛനുറങ്ങാത്ത വീടും, ആദാമിന്റെ മകന്‍ അബുവും തുടങ്ങിയ വേഷങ്ങള്‍ മലയാളിയുടെ ഇടനെഞ്ചില്‍ കനലായി ഇപ്പോഴും വിങ്ങുന്നു.

സലീം കുമാര്‍, അഭിനയകലയുടെ കരുത്തുറ്റ മുഖമായ് മുന്നേറുക. ഒരുപാട്, ഒരുപാട് സന്തോഷങ്ങള്‍.

Content Highlights:Salimkumar celebrates 25 years in the film industry,TN Prathapan facebook post

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented