മഹേഷ് ഭട്ടും സഞ്ജയ് ദത്തും ഒന്നിക്കുന്ന സഡക് 2 ന്റെ ഒ.ടി.ടി റിലീസ് തിയ്യതി പ്രഖ്യാപിച്ചു. ഡിസ്നി പ്ലസ് ഹോട് സ്റ്റാർ മൾട്ടിപ്ലക്സിൽ ആഗസ്റ്റ് 28-ന് ചിത്രം റിലീസ് ചെയ്യും .
29 മുമ്പ് മഹേഷ് മഹേഷ് ഭട്ടിന്റെ സംവിധാനത്തിൽ സഞ്ജയ് ദത്തും പൂജാഭട്ടും ജോഡികളായി അഭിനയിച്ച് ബോളിവുഡിൽ മഹാവിജയം നേടിയ റൊമാന്റിക് ത്രില്ലർ സിനിമയായിരുന്നു 1991-ൽ പുറത്തിറങ്ങിയ സഡക്. 29 കൊല്ലം മുമ്പിറങ്ങിയ ചിത്രത്തിന്റെ രണ്ടാം ഭാഗം സഡക് 2 ' , തീയേറ്റർ റിലീസിന് തയ്യാറെടുത്ത വേളയിലാണ് കോവിഡ് വ്യാപനവും ലോക്കഡൗണും സിനിമാ വ്യവസായത്തെ പ്രതിസന്ധിയിലാക്കുന്നത്.
ഈ സാഹചര്യത്തിലാണ് സഡക് 2 ഡിജിറ്റൽ പ്ലാറ്റ്ഫോമിൽ റിലീസ് ചെയ്യാൻ നിർമ്മാതാക്കളായ വിശേഷ് ഫിലിംസ് തീരുമാനിക്കുന്നത്.
സഞ്ജയ് ദത്തിന് പുറമേ പൂജാ ഭട്ട് ,ആലിയാ ഭട്ട് ,ആദിത്യ റോയ് കപൂർ എന്നിവരാണ് 'സഡക് 2'ലെ അഭിനേതാക്കൾ. പ്രണയകഥാ പശ്ചാത്തലത്തിലുള്ള ത്രില്ലർ സിനിമയായാണ് സഡക് 2 അണിയിച്ചൊരുക്കുന്നത്. ഇരുപതു വർഷത്തിന് ശേഷം മഹേഷ് ഭട്ട് സംവിധാനം ചെയ്യുന്ന ചിത്രം കൂടിയാണിത്.
Content Highlights : Sadak 2 Release date announced Premiere on August 28 Disney Hotstar
