ജപ്പാനിലും വിസ്മയക്കുതിപ്പുമായി ആര്‍.ആര്‍.ആര്‍, ആദ്യദിന കളക്ഷനില്‍ സാഹോയെ പിന്നിലാക്കി


ആർ.ആർ.ആറിൽ ജൂനിയർ എൻ.ടി.ആറും രാം ചരൺ തേജയും | ഫോട്ടോ: www.instagram.com/rrrmovie/

രാംചരണ്‍, ജൂനിയര്‍ എന്‍.ടി.ആര്‍. എന്നിവരെ നായകരാക്കി എസ്.എസ് രാജമൗലി ഒരുക്കിയ ബ്രഹ്മാണ്ഡ ചിത്രമാണ് ആര്‍.ആര്‍.ആര്‍. റിലീസിന് മുന്‍പേ കോടികളുടെ ബിസിനസ് സ്വന്തമാക്കിയ ചിത്രം ബോക്‌സോഫീസിലും ഗംഭീര പ്രകടനം പുറത്തെടുത്തിരുന്നു. 1200 കോടിയോളം രൂപയാണ് ചിത്രം സ്വന്തമാക്കിയത്. രാം ചരണിനും ജൂനിയര്‍ എന്‍.ടി.ആറിനും പുറമേ ആലിയ ഭട്ടും അജയ് ദേവ്ഗണും ശ്രീയ ശരണും ചിത്രത്തില്‍ പ്രധാന വേഷങ്ങളില്‍ എത്തിയിരുന്നു. അല്ലൂരി സീതാ രാമരാജു, കൊമരം ഭീം എന്നിവരുടെ ബ്രിട്ടീഷുകാര്‍ക്കെതിരായുള്ള പോരാട്ടമാണ് ചിത്രം ചര്‍ച്ച ചെയ്യുന്നത്.

ഇപ്പോഴിതാ ചിത്രം ജപ്പാനില്‍ റിലീസായതിന് പിന്നാലെ ഗംഭീര പ്രതികരണമാണ് ലഭിക്കുന്നത്. ചിത്രത്തിന് ലഭിച്ച സ്വീകാര്യതയ്ക്ക് രാം ചരണ്‍ ജാപ്പനീസ് ആരാധകരോട് നന്ദി അറിയിച്ചു. ഈ നിമിഷം തനിക്ക് മറക്കാനാകില്ലെന്നും ഓഡിറ്റോറിയത്തില്‍ തിങ്ങിനിറഞ്ഞിരുന്ന ആരാധകരോടായി താരം പറഞ്ഞു. താന്‍ ഇന്ത്യയിലാണെന്ന് തോന്നുന്നുവെന്നും രാംചരണ്‍ കൂട്ടിച്ചേര്‍ത്തു.



ജപ്പാന്‍ ബോക്‌സോഫീസില്‍ പ്രഭാസിന്റെ സാഹോയുടെ പേരിലുണ്ടായിരുന്ന റെക്കോഡ് ആര്‍.ആര്‍.ആര്‍ തകര്‍ത്തിരിക്കുകയാണ്. ആദ്യ ദിനം 1.06 കോടി രൂപ നേടിക്കൊണ്ടാണ് രാജമൗലി ചിത്രം പുതിയ റെക്കോഡ് കരസ്ഥമാക്കിയത്. ആദ്യ ദിനം 90 ലക്ഷമാണ് സാഹോ നേടിയത്. ഈ ആഴ്ച ആര്‍.ആര്‍.ആറിന് ജപ്പാനില്‍ 3.5 കോടി സ്വന്തമാക്കാനാകുമെന്നാണ് അണിയറപ്രവര്‍ത്തകരുടെ പ്രതീക്ഷ.

Content Highlights: RRR Japan box office collection


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


vizhinjam port

2 min

അദാനിക്ക് നഷ്ടം 200 കോടി; സമരക്കാര്‍ നല്‍കണം, സര്‍ക്കാര്‍ തീരുമാനം ഹൈക്കോടതിയെ അറിയിക്കും

Nov 28, 2022


photo: twitter/Wandering Van

1 min

'ഇത് ശരിക്കും റൊണാള്‍ഡോ, മറ്റേത് ആരാധകന്‍'; വൈറലായി വീഡിയോ

Nov 28, 2022

Most Commented