ദൃശ്യം 2 നൽകിയ അനുഭവം; ഒന്നാം ഭാ​ഗത്തിൽ 'കൊല ചെയ്യപ്പെട്ട വരുൺ പ്രഭാകർ' പറയുന്നു


ഒട്ടേറെ പ്രതീക്ഷയോടെയും ജിജ്ഞാസയോടെയുമാണ് ഞാനും ദൃശ്യം 2 കണ്ടത്. സ്റ്റോറി മേക്കിംഗ് സ്‍കിൽ എന്നാൽ എന്താണെന്ന് ഞാൻ തിരിച്ചറിഞ്ഞു.

ദൃശ്യം 2-ൽ നിന്ന്, റോഷൻ ബഷീർ

മോഹൻലാൽ-ജീത്തു ജോസഫ് കൂട്ടുകെട്ടിൽ ഒരുങ്ങിയ ദൃശ്യം 2 ഓടിടി റിലീസായി പ്രദർശനത്തിനെത്തിയിരിക്കുകയാണ്. മികച്ച പ്രതികരണമാണ് ചിത്രത്തിന് ലഭിച്ചു കൊണ്ടിരിക്കുന്നത്. ചിത്രം കണ്ട അനുഭവം പങ്കുവച്ച് നടൻ റോഷൻ ബഷീർ പങ്കുവച്ച വാക്കുകളാണ് ശ്രദ്ധ നേടുന്നത്. ദൃശ്യം ആദ്യ ഭാ​ഗത്തിൽ റോഷൻ അവതരിപ്പിച്ച വരുൺ പ്രഭാകർ എന്ന കഥാപാത്രത്തിന്റെ കൊലപാതകത്തെ ചുറ്റിപറ്റിയാണ് ചിത്രം പുരോ​ഗമിക്കുന്നത്.

ഈ കൊലപാതകവും തുടരന്വേഷണവും തന്നെയാണ് രണ്ടാം ഭാ​ഗത്തിന്റെയും പ്രമേയം. മലയാള ചലച്ചിത്ര വ്യവസായ ചരിത്രത്തിലെ ഏറ്റവും മികച്ച സിനിമകളിലൊന്നിൽ ഇത്രയും പ്രാധാന്യമുള്ള ഒരു കഥാപാത്രത്തിന് ജീവൻ നൽകാനുള്ള അവസരം ലഭിച്ച അനുഭവം വാക്കുകൾക്കതീതമാണെന്ന് റോഷൻ കുറിച്ചു

റോഷന്റെ കുറിപ്പ്

കാത്തിരിപ്പിന് അവസാനമായിരിക്കുന്നു. 'ദൃശ്യം 2 ന്റെ തുടർച്ച' എന്ന വാർത്ത മുതൽ, ഞാൻ ഇതിന്റെ ഭാഗമാണോയെന്ന് ധാരാളം ആളുകൾ എന്നോട് ചോദിച്ചിരുന്നു. ഒന്നാം ഭാഗത്ത് കൊല ചെയ്യപ്പെട്ട വരുൺ പ്രഭാകർ അതിന്റെ തുടർച്ചയിൽ ഉണ്ടാകുന്നത് എങ്ങിനെ എന്നോർത്ത് ഞാനത് നിരസിച്ചു. ജോർജ്ജ് കുട്ടിയേയും കുടുംബത്തേയും കുറിച്ചുള്ള തീർത്തും വ്യത്യസ്‍തമമായ ഒരു കഥയായിരിക്കും ഇതെന്നാണ് ഇന്നലെ വരെ ഞാൻ വിചാരിച്ചത്.

ഒട്ടേറെ പ്രതീക്ഷയോടെയും ജിജ്ഞാസയോടെയുമാണ് ഞാനും ദൃശ്യം 2 കണ്ടത്. സ്റ്റോറി മേക്കിംഗ് സ്‍കിൽ എന്നാൽ എന്താണെന്ന് ഞാൻ തിരിച്ചറിഞ്ഞു. ആരും സഞ്ചരിക്കാത്ത വഴിയാണ് സംവിധായകൻ സ്വീകരിച്ചത്. സിനിമയുടെ അവസാനം വരെ ഞങ്ങൾ സീറ്റിന്റെ അറ്റത്താണിരിക്കുന്നതെന്ന് സിനിമ ഉറപ്പുവരുത്തി. ഓരോ ഡയലോഗും അടുത്ത സൂചനയായിരിക്കാമെന്നതിനാൽ കണ്ണുകളും ചെവികളും സ്‌ക്രീനിൽ തന്നെ ഉറപ്പിച്ചു. ഓരോ പ്രവൃത്തിക്കും, ആവിഷ്‍കാരത്തിനും, ഫ്രെയിമുകൾക്കും, എല്ലാത്തിനും സ്വയം ഒരു വിശദീകരണമുണ്ടായിരുന്നു. സൂപ്പർഹിറ്റായ ആദ്യത്തെ ചിത്രം നൽകിയ വികാരത്തിന് സമാനമായ ഒരനുഭവം രണ്ടാം ഭാ​ഗത്തിനും നൽകാനായതിന് ഒറ്റ വാക്കേ പറയാനുള്ളൂ...ഉജ്ജ്വലം..

മലയാള ചലച്ചിത്ര വ്യവസായ ചരിത്രത്തിലെ ഏറ്റവും മികച്ച സിനിമകളിലൊന്നിൽ ഇത്രയും പ്രാധാന്യമുള്ള ഒരു കഥാപാത്രത്തിന് ജീവൻ നൽകാനുള്ള അവസരം ലഭിച്ച അനുഭവം വാക്കുകൾക്കതീതമാണ്

And the wait is finally over. Ever since the news of “A sequel to Drishyam 2”,Ive had a lot of people ask me if I am a...

Posted by Roshan Basheer on Thursday, 18 February 2021

Content Highlights : Roshan Basheer about drishyam 2 Mohanlal Jeethu Joseph Meena Esther Ansiba Movie


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
policeman mango theft

1 min

മാമ്പഴം മോഷ്ടിച്ച പോലീസുകാരന്‍ ബലാത്സംഗക്കേസിലും പ്രതി; അതിജീവിതയെ ഉപദ്രവിക്കാനും ശ്രമം

Oct 5, 2022


05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022

Most Commented