രോമാഞ്ചം സിനിമയുടെ പോസ്റ്റർ | ഫോട്ടോ: www.facebook.com/soubinshahirofficial/photos
ജോൺപോൾ ജോർജ് പ്രോഡക്ഷൻസിന്റേയും, ഗുഡ് വിൽ എന്റർടൈൻമെന്റിന്റെയും ബാനറിൽ ജോൺപോൾ ജോർജ്, ജോബി ജോർജ്, ഗിരീഷ് ഗംഗാധാരൻ എന്നിവർ ചേർന്ന് നിർമ്മിക്കുന്ന രോമാഞ്ചം വെള്ളിയാഴ്ച തിയേറ്ററുകളിലെത്തും. നവാഗതനായ ജിത്തു മാധവനാണ് രചനയും സംവിധാനവും
ഒരുക്കിയ ചിത്രത്തിൽ അർജുൻ അശോകനും, സൗബിൻ ഷാഹിറിനും, സജിൻ ഗോപുവിനും ഒപ്പം സിജു സണ്ണി, അനന്ത രാമൻ, എബിൻ ബിനോ, ജഗദീഷ് കുമാർ, ജോയിമോൻ ജ്യോതിർ, അഫ്സൽ, ശ്രീജിത്ത് നായർ, എന്നിവരും അണിനിരക്കുന്നു. ഹൊറർ കോമഡി ജോണറിൽ കുറേ നാളുകൾക്കു ശേഷം മലയാളത്തിൽ വരുന്ന സിനിമ എന്ന പ്രത്യേകത കൂടി രോമാഞ്ചത്തിനുണ്ട്. റിലീസിനോട് അനുബന്ധിച്ച് നിർമ്മാതാവായ ജോൺപോൾ തന്റെ ഇൻസ്റ്റാഗ്രാം പേജിൽ കുറിച്ച പോസ്റ്റ്‌ കഴിഞ്ഞദിവസം തന്നെ സോഷ്യൽ മീഡിയ ഏറ്റെടുത്തിരുന്നു.
തന്റെ കരിയറുൾപ്പടെ എല്ലാം ഇനി പ്രേക്ഷകരുടെ കയ്യിൽ ആണെന്നും തന്റെ ആദ്യ സിനിമയായ ഗപ്പിക്ക്‌ വച്ച് നീട്ടിയ ടിക്കറ്റിന്റെ പൈസ രോമാഞ്ചത്തിനു ടിക്കറ്റ് എടുക്കാൻ ഉപയോഗിക്കണം എന്നും ആ കുറിപ്പിൽ പറയുന്നു. ആ കുറിപ്പിനുണ്ടായ സ്വീകാര്യതയും, ഇന്നും ട്രെൻഡിങ്ങിൽ തുടരുന്ന ഗാനങ്ങളും, അവസാനം ഇറങ്ങിയ ട്രൈലറും കാണുമ്പോൾ നല്ലൊരു തീയേറ്റർ വിരുന്നാകും ചിത്രമെന്ന പ്രതീക്ഷയിലാണ് സിനിമാ പ്രേമികൾ.
സുഷിൻ ശ്യാമിന്റെ സംഗീതത്തിന് വിനായക് ശശി കുമാറിന്റെ വരികളും ചേർന്ന പാട്ടുകൾ ഹിറ്റ് ലിസ്റ്റിലേക്ക് ഇതിനോടകം തന്നെ ഇടം പിടിച്ചിട്ടുണ്ട്. ഛായാഗ്രഹണം സനു താഹിർ.
Content Highlights: romancham movie from friday, soubin shahir new movie release
Also Watch
RELATED STORIES
INTERVIEW
IN CASE YOU MISSED IT
.png?$p=b15303e&q=0.8&f=16x11&w=104)
.png?$p=8676a2f&q=0.8&f=16x11&w=104)
.png?$p=6d3bf42&q=0.8&f=16x11&w=104)
.png?$p=5eeeb6c&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..