പിഷാരടിയെ ചുറ്റിച്ച് കുട്ടിനേതാവ്, വഴി തെറ്റിച്ചത് മൂന്ന് വട്ടം; ഒടുവില്‍ മുങ്ങി


സ്ഥാനാർഥി എത്തുന്ന സ്ഥലത്ത് അതിന് മുന്നേയെത്തി പിഷാരടി ചെറിയൊരു പ്രസംഗം നടത്തണം. അത് തീരുമ്പോഴേക്കും സ്ഥാനാർഥിയെ അവിടെയെത്തിക്കും. ഇതായിരുന്നു യുവനേതാവ് ആസൂത്രണം ചെയ്തത്.

രമേഷ് പിഷാരടി | ഫോട്ടോ: വിജേഷ് വിശ്വം

തൃശ്ശൂർ: തൃശ്ശൂർ മണ്ഡലത്തിൽ യു.ഡി.എഫ്. പ്രചാരണത്തിനെത്തിയതാണ് നടനും അവതാരകനുമായ രമേഷ് പിഷാരടി. താരമൂല്യമുള്ള വ്യക്തിയെ കണ്ടപ്പോൾ വഴികാട്ടിയായും സഹായിയായുമൊക്കെ കൂടെക്കൂടാനുള്ള മത്സരമായി യുവനേതാക്കൾ. ഒടുവിൽ സിനിമാമേഖലയിലെ പാട്ടുകാരന്റെ കൂട്ടുകാരനാണെന്ന ചെറിയ ബന്ധമുപയോഗിച്ച് പിഷാരടിയുടെ കാറിൽ കയറിക്കൂടിയത് കെ.എസ്.യു.വിന്റെ ജില്ലാനേതാവ്. കഴിഞ്ഞ തദ്ദേശതിരഞ്ഞെടുപ്പിൽ സീറ്റ് കിട്ടിയെങ്കിലും തൊഴുത്തിൽക്കുത്ത് കാരണം മത്സരിക്കാനാകാത്ത നേതാവ് തനിക്ക് മത്സരിക്കാനാകാതെ പോയ വാർഡിലേക്ക് പിഷാരടിയെ കൊണ്ടുപോകാൻ തീരുമാനിച്ചു. തന്നെ തഴഞ്ഞ വാർഡിൽ തന്റെ വില കാണിച്ചുകൊടുത്തിട്ടുതന്നെ കാര്യമെന്നായിരുന്നു നേതാവിന്റെ മനസ്സിലിരിപ്പ്. തൃശ്ശൂരിലെ മണ്ഡലഭൂമിശാസ്ത്രം അത്ര പിടിയില്ലാത്ത പിഷാരടി യുവനേതാവിന്റെ നിർദേശം അംഗീകരിച്ചു.

സ്ഥാനാർഥി എത്തുന്ന സ്ഥലത്ത് അതിന് മുന്നേയെത്തി പിഷാരടി ചെറിയൊരു പ്രസംഗം നടത്തണം. അത് തീരുമ്പോഴേക്കും സ്ഥാനാർഥിയെ അവിടെയെത്തിക്കും. ഇതായിരുന്നു യുവനേതാവ് ആസൂത്രണം ചെയ്തത്. എന്നാൽ, നടപ്പാക്കിയത് മറ്റൊന്ന്. സ്ഥാനാർഥിയെത്തി ഏറെ നീണ്ടിട്ടും പിഷാരടി എത്തിയില്ല. കുറേനേരം കഴിഞ്ഞാണ് യുവനേതാവ് പിഷാരടിയെയുംകൊണ്ട് എത്തിയത്. കാര്യം തിരക്കിയപ്പോൾ വഴിതെറ്റിപ്പോയെന്ന് നേതാവ് സമ്മതിച്ചു. ഒരു വഴിതെറ്റലൊക്കെ ആർക്കും സംഭവിക്കാമെന്ന് കരുതി സ്ഥാനാർഥിയും കൂട്ടരും ക്ഷമിച്ചു.

പിഷാരടിയെയും കൂട്ടി േനതാവ് അടുത്ത സ്ഥലത്തേക്ക് പുറപ്പെട്ടു. അവിടെയും സ്ഥാനാർഥി എത്തിയിട്ടും പിഷാരടി എത്തിയില്ല. വൈകിയതിന് കാരണമായി യുവനേതാവ് ആദ്യപല്ലവി ആവർത്തിച്ചു-വഴിതെറ്റിപ്പോയി. ഇനി വഴിതെറ്റില്ലെന്നും കളിച്ചുവളർന്ന നാടാണെന്നുമുള്ള യുവനേതാവിന്റെ ഉറപ്പിന്മേൽ പിഷാരടി വീണ്ടും വണ്ടിയിൽ കയറി. മൂന്നാംതവണയും കറങ്ങിത്തിരിഞ്ഞ് എത്തുമ്പോഴേക്കും ഏറെ വൈകി.

ഇത്തവണ പിഷാരടിതന്നെ ‘വഴിെതറ്റൽസംഭവം’ പ്രസംഗത്തിലൂടെ ജനങ്ങളോട് തുറന്നുവിവരിച്ചു. പ്രസംഗം കഴിഞ്ഞിറങ്ങുന്പോൾ നേതാവിനെ കാണാനില്ല. നാണക്കേട് കാരണം മുങ്ങിയിരിക്കുകയാണ്. വഴികാട്ടി മുങ്ങിയതിലായിരുന്നില്ല പിഷാരടിക്ക് ദുഃഖം. പാതിവഴിയിൽ ഇറങ്ങി മുങ്ങിയ നേതാവ് എങ്ങനെ വീട്ടിലെത്തും എന്നതിലായിരുന്നു. അതുകേട്ട അവിടെയുണ്ടായിരുന്ന ഒരു പ്രവർത്തകൻ‍ പറഞ്ഞു- ‘‘ദാ, ആ കാണുന്നതാണ് അവന്റെ വീട്’’. അപ്പോഴാണ് പിഷാരടിക്ക് മനസ്സിലായത്, യുവനേതാവിന് ‘വഴിതെറ്റിയത്’ കളിച്ചുവളർന്ന നാട്ടിൽത്തന്നെയാണെന്ന്.

Content Highlights: Ramesh pisharody election campaign at Thrissur, How KSU leader tricked him?

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


08:25

'ദർശന' പാടിയും മലയാളം പറഞ്ഞും പഠിച്ചും വിജയ് ദേവരകൊണ്ടയും അനന്യയും

Aug 19, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented