ബാഹുബലിക്ക്  ശേഷം രാജമൗലി ഒരുക്കുന്ന ബ്രഹ്മാണ്ഡ ചിത്രം ആര്‍ആര്‍ആറിന്റെ മോഷന്‍ പോസ്റ്റര്‍ പുറത്തിറങ്ങി . രൗദ്രം രണം രുദിരം എന്നതിന്റെ ചുരുക്കപ്പേരാണ് ആര്‍ആര്‍ആര്‍. 

ജലം അഗ്‌നിയെ അണയ്ക്കും '
അഗ്‌നി ജലത്തെ ബാഷ്പീകരിക്കും 
ഈ രണ്ടു ശക്തികളും അത്യന്തം ഊര്‍ജത്തോടെ ഒരുമിച്ചു എത്തുന്നു...ടൈറ്റില്‍ ലോഗോ പങ്കുവച്ചുകൊണ്ടു രാജമൗലി ട്വീറ്റ് ചെയ്തു 

ജൂനിയര്‍ എന്‍.ടി.ആര്‍,രാംചരണ്‍ എന്നിവര്‍ പ്രധാന വേഷങ്ങളില്‍ എത്തുന്ന ചിത്രത്തില്‍ ബോളിവുഡ് താരങ്ങളായ ആലിയ ഭട്ടും അജയ് ദേവ്ഗണും കേന്ദ്ര കഥാപാത്രങ്ങളെ അവതരിപ്പിക്കുന്നു. ഇരുവരുടെയും ആദ്യ ദക്ഷിണേന്ത്യന്‍ ചിത്രമാണ് ഇത്.

1920കളിലെ അല്ലൂരി സീതാരാമ രാജു, കോമരം ഭീം എന്നീ സ്വാതന്ത്യസമരസേനാനികളുടെ കഥയാണ് ചിത്രം പറയുന്നത്. രാം ചരണിന്റെ നായികയായാണ് ആലിയ ചിത്രത്തിലെത്തുക. 

ഡിവിവി എന്റര്‍ടെയിന്‍മെന്റ്സിന്റെ ബാനറില്‍ ഡി വി വി ധനയ്യ ആണ് ചിത്രം നിര്‍മ്മിക്കുന്നത്. എം എം കീരവാണി സംഗീതം നിര്‍വഹിക്കും. 

2021 ജനുവരി എട്ടിന് ചിത്രത്തെ തീയേറ്ററുകളില്‍ എത്തുമെന്നാണ് സൂചന 

Content Highlights : Rajamouli's RRR Motion Poster Ram charan Junior NTR Alia Bhatt Ajay Devgn In Lead Roles