ഒരു ഗുരുതരാവസ്ഥയുമില്ല, അഞ്ച് ദിവസത്തിനുശേഷം വിഷ്ണുവെത്തും -'വെടിക്കെട്ട്' നിർമാതാവ്, NM Badusha, Vishnu Unnikrishnan Injury, Vedikkettu Movie, Vedikkettu Movie Casts, Bibin George

02 June 2022, 09:57 AM IST

കഴിഞ്ഞദിവസം രാത്രിയാണ് വെടിക്കെട്ട് എന്ന ചിത്രത്തിന്റെ ചിത്രീകരണത്തിനിടെ വിളക്കിലെ എണ്ണ വീണ് വിഷ്ണു ഉണ്ണിക്കൃഷ്ണന് പരിക്കേറ്റത്.

വിഷ്ണു ഉണ്ണിക്കൃഷ്ണൻ | ഫോട്ടോ: ജെഫിൻ ബിജോയ് ‌| മാതൃഭൂമി

ചിത്രീകരണത്തിനിടെ നടൻ വിഷ്ണു ഉണ്ണിക്കൃഷ്ണന് പൊള്ളലേറ്റ സംഭവത്തിൽ പുതിയ വിവരങ്ങളുമായി നിർമാതാക്കളിലൊരാളായ എൻ.എം. ബാദുഷ. വിഷ്ണുവിന്റെ ആരോഗ്യനിലയിൽ യാതൊരു ഗുരുതരാവസ്ഥയും ഇല്ലെന്ന് അദ്ദേഹം ഫെയ്സ്ബുക്കിൽ പങ്കുവെച്ച കുറിപ്പിൽ പറഞ്ഞു.

"സാരമല്ലാത്ത പൊള്ളലായതിനാൽ മുറിവ് ഉണങ്ങുന്നതിന് വേണ്ടി അഞ്ച് ദിവസത്തോളമെങ്കിലും ആശുപത്രിയിൽ കിടക്കണമെന്നത് ഒഴിച്ചാൽ മറ്റൊരു ഗുരുതരാവസ്ഥയും നിലവിൽ ഇല്ല. അഞ്ച് ദിവസത്തിന് ശേഷം വിഷ്ണു എത്തിയാൽ നമ്മൾ വീണ്ടും പഴയ ഉഷാറോടെ "വെടിക്കെട്ട്" ആരംഭിക്കും". എൻ.എം. ബാദുഷ കുറിച്ചു.

കഴിഞ്ഞദിവസം രാത്രിയാണ് വെടിക്കെട്ട് എന്ന ചിത്രത്തിന്റെ ചിത്രീകരണത്തിനിടെ വിളക്കിലെ എണ്ണ വീണ് വിഷ്ണു ഉണ്ണിക്കൃഷ്ണന് പരിക്കേറ്റത്. വിഷ്ണുവും നടൻ ബിബിൻ ജോർജും ആദ്യമായി സംവിധാനം ചെയ്യുന്ന ചിത്രമാണ് വെടിക്കെട്ട്. ബാദുഷാ സിനിമാസിന്റെയും പെൻ ആൻഡ് പേപ്പറിന്റെയും ബാനറിൽ എൻ.എം. ബാദുഷ, ഷിനോയ് മാത്യു എന്നിവർ ചേർന്നാണ് ചിത്രം നിർമ്മിക്കുന്നത്.