'നകുൽ നീ എന്നത്തേക്കാളും കരുത്തനായി തിരിച്ചു വരും, ആ സമയം അടുത്തിരിക്കുന്നു'


ഇക്കഴിഞ്ഞ ജനുവരിയിൽ നടന്ന റോഡപകടത്തിൽ ​നകുലിന് ഗുരുതര പരിക്കേറ്റിരുന്നു

-

യുവനടൻ നകുൽ തമ്പിക്ക് ജന്മദിനാശംസകൾ നേർന്ന് നടി പ്രിയ വാര്യർ. വാഹനാപകടത്തില്‍ ​ഗുരുതരമായി പരിക്കേറ്റ നകുൽ ഏറെ നാളായി ചികിത്സയിലാണ്. നകുലിന്റെ തിരിച്ചുവരവിനായുള്ള പ്രാർഥനകളോടെയാണ് പ്രിയ കുറിപ്പ് പങ്കുവച്ചിരിക്കുന്നത്.

"പ്രിയപ്പെട്ട നകുൽ, നിനക്കിന്ന് 21 വയസായി. എനിക്കായി എന്നും നീ നിലകൊണ്ടതിന് എങ്ങനെ നന്ദി പറഞ്ഞ് തുടങ്ങണമെന്ന് എനിക്ക് അറിയില്ല. നമ്മൾ കണ്ടുമുട്ടിയിട്ട് ഒരു വർഷമാകുന്നുവെന്ന് എനിക്ക് വിശ്വസിക്കാനാവുന്നില്ല. സമയം പറന്നുകൊണ്ടിരിക്കുകയാണ്.

നീ വിചാരിച്ചത് പോലെയല്ല ഈ വർഷം കാര്യങ്ങൾ നടന്നത് എന്നെനിക്കറിയാം, പക്ഷേ സമയം മാറുന്നതിന് അനുസരിച്ച് എല്ലാം നേരെയാവുമെന്ന് ഞാൻ വിശ്വസിക്കുന്നു. പോയ വർഷം എന്റെ ജീവിതം നീ കുറച്ച് എളുപ്പമാക്കി അതിന് എത്ര നന്ദി പറഞ്ഞാലും മതിയാകില്ല.

ഇത് നമുക്കെല്ലാവർക്കും ഒരു ചെറിയ കാലതാമസം മാത്രമാണെന്ന് എനിക്കറിയാം. നീ എന്നത്തേക്കാളും കരുത്തനായി തിരിച്ച് വരും. ആ സമയം അടുത്തിരിക്കുന്നു. ഭാവിയിൽ നിന്റെ ഏറ്റവും മികച്ച പതിപ്പായി നീ വളരുകയും പരിണമിക്കുകയും ചെയ്യുന്നത് കാണാനാവുമെന്ന് ഞാൻ പ്രതീക്ഷിക്കുന്നു. നീ എന്റെ പ്രാർഥനകളിൽ എന്നുമുണ്ട്. നിന്നെ എന്നെന്നും സ്നേഹിക്കുന്നുവെന്ന് മനസിലാക്കൂ.. ശാന്തമായ ജന്മദിനം നിനക്കുണ്ടാവട്ടെ. ഇത്തവണ ആഘോളങ്ങളില്ലെങ്കിലെന്താ..അടുത്ത തവണ അടിപൊളി പാർട്ടി നടത്തി ഈ കുറവ് നികത്തുമെന്ന് ഞാൻ വാ​ക്ക് തരുന്നു. നീ കൂടെയില്ലാതെ കാഴ്ച്ചകൾ അത്ര മികച്ചതല്ല. ഒരുപാട് സ്നേഹം..."

ഇക്കഴിഞ്ഞ ജനുവരി അഞ്ചിനാണ് നകുല്‍ അപകടത്തില്‍പ്പെട്ടത്. കൊടൈക്കനാലിനു സമീപം കാമക്കാപട്ടിക്കടുത്തുണ്ടായ വാഹനാപകടത്തിലാണ് നകുലിന് ഗുരുതര പരിക്കേറ്റത്. നകുലിനൊപ്പം ചാവടിമുക്ക് സ്വദേശി ആര്‍.കെ.ആദിത്യ എന്നയാള്‍ക്കും തലയില്‍ പരിക്കേറ്റിരുന്നു.

തിരുവനന്തപുരത്തുനിന്ന് രണ്ടു കാറുകളില്‍ കൊടൈക്കനാലില്‍ എത്തിയ ഇവര്‍ നാട്ടിലേക്കു മടങ്ങുമ്പോഴാണ് അപകടം. ഒരു കാറില്‍ നകുലും ആദിത്യയും മറ്റൊരു കാറില്‍ മൂന്നുപേരും യാത്രചെയ്തിരുന്നു. ഇവര്‍ സഞ്ചരിച്ച കാര്‍ സ്വകാര്യബസുമായി കൂട്ടിയിടിക്കുകയായിരുന്നു. പരിക്കേറ്റ നകുലിനെയും ആദിത്യയെയും വത്തലഗുണ്ട് സര്‍ക്കാര്‍ ആശുപത്രിയില്‍ പ്രവേശിപ്പിച്ച ശേഷം വിദഗ്ദ്ധചികിത്സയ്ക്കായി മധുര വേലമ്മാള്‍ മെഡിക്കല്‍ കോളേജ് ആശുപത്രിയിലേക്കു മാറ്റിയിരുന്നു. നകുലിന്റെ ചികിത്സയ്ക്കായി സഹായമഭ്യർഥിച്ച് താരങ്ങളായ അഹാന , സാനിയ എന്നിവർ രം​ഗത്തെത്തിയിരുന്നു. റിയാലിറ്റി നൃത്തപരിപാടിയിലൂടെ പ്രശസ്തനായ നകുല്‍ തമ്പി പതിനെട്ടാം പടിയിലൂടെയാണ് സിനിമയിലെത്തുന്നത്.

Content Highlights : Priya varrier birthday wishes to nakul thampi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022

Most Commented