വെറുതെ വിടില്ല ഞാൻ, അടുത്ത വർഷം വീണ്ടും വരും; എമ്പുരാന്റെ സൂചനയുമായി പൃഥ്വി, Prithviraj Sukumaran, Empuraan Movie, Mohanlal, Murali Gopi

21 May 2022, 03:25 PM IST

എമ്പുരാൻ അടുത്തവർഷം ഉണ്ടാവുമെന്ന സൂചന നൽകിയിരിക്കുകയാണ് താരം.

മോഹൻലാലും പൃഥ്വിരാജും. പൃഥ്വിരാജ് ഫെയ്സ്ബുക്കിൽ പങ്കുവെച്ച ചിത്രം

മോഹൻലാൽ ആരാധകർ ഏതാനും വർഷങ്ങളായി കാത്തിരിക്കുന്ന ചിത്രമാണ് പൃഥ്വിരാജിന്റെ സംവിധാനത്തിലൊരുങ്ങുന്ന എമ്പുരാൻ. ലൂസിഫർ എന്ന ചിത്രത്തിന്റെ രണ്ടാം ഭാഗമായൊരുങ്ങുന്ന ചിത്രവുമായി ബന്ധപ്പെട്ട് വമ്പൻ സൂചന നൽകിയിരിക്കുകയാണ് പൃഥ്വി ഇപ്പോൾ.

എമ്പുരാൻ അടുത്തവർഷം ഉണ്ടാവുമെന്നാണ് സൂചന. തന്റെ രണ്ടാമത്തെ സംവിധാന സംരംഭമായ ബ്രോഡാഡിയിലെ മോഹൻലാലിനൊപ്പമുള്ള ഒരു ചിത്രം പങ്കുവെച്ചുകൊണ്ടുള്ള ഫെയ്സ്ബുക്ക് പോസ്റ്റിലാണ് പൃഥ്വിരാജ് ഇക്കാര്യം പറയുന്നത്. “ഇല്ല ... ഞാൻ വെറുതെ വിടില്ല ! അടുത്ത വർഷം വീണ്ടും വരും !” എന്നാണ് പൃഥ്വി എഴുതിയിരിക്കുന്നത്.

ഈ പോസ്റ്റ് എമ്പുരാനുമായി ബന്ധപ്പെട്ടതാണെന്നാണ് ആരാധകർ വിശ്വസിക്കുന്നത്. നേരത്തെ മുരളി ഗോപിയും എമ്പുരാൻ തുടങ്ങുന്നതുമായി ബന്ധപ്പെട്ട സൂചന നൽകിയിരുന്നു. ബ്ലെസി സംവിധാനം ചെയ്യുന്ന ആടുജീവിതത്തിന്റെ ചിത്രീകരണത്തിലാണ് പൃഥ്വിരാജ്. കൊച്ചാൾ എന്ന ചിത്രമാണ് മുരളി ഗോപിയുടേതായി ഇനി വരാനിരിക്കുന്നത്.