രണ്ടുപേരും ഒന്നിച്ച് ചിയേഴ്സ് പറയുകയാകും; സച്ചിക്ക് വേദനയോടെ ജന്മദിനമാശംസിച്ച് പൃഥ്വി


അനിലിന്റെ കരിയറിലെ ഏറെ ശ്രദ്ധിക്കപ്പെട്ട വേഷമായിരുന്നു അയ്യപ്പനും കോശിയും എന്ന ചിത്രത്തിലെ സിഐ സതീഷ്. ആ വേഷം അദ്ദേഹത്തിന് നൽകിയ സംവിധായകൻ സച്ചിയുടെ ജന്മദിനത്തിന്റെയന്നാണ് അനിലിന്റെ വേർപാടെന്നത് യാദൃശ്ചികം.

Anil, Sachy

നടൻ അനിൽ നെടുമങ്ങാടിന്റെ അപ്രതീക്ഷിത വിയോഗത്തിന്റെ ഞെട്ടലിലാണ് സിനിമാലോകം. അനിലിന്റെ കരിയറിലെ ഏറെ ശ്രദ്ധിക്കപ്പെട്ട വേഷമായിരുന്നു അയ്യപ്പനും കോശിയും എന്ന ചിത്രത്തിലെ സിഐ സതീഷ്. ആ വേഷം അദ്ദേഹത്തിന് നൽകിയ സംവിധായകൻ സച്ചിയുടെ ജന്മദിനത്തിന്റെയന്നാണ് അനിലിന്റെ വേർപാടെന്നത് യാദൃശ്ചികം.

ഇപ്പോഴിതാ അനിലിനെയും സച്ചിയെയും ഓർമിക്കുകയാണ് നടൻ പൃഥ്വിരാജ്. അയ്യപ്പനും കോശിയും സെറ്റിൽ നിന്നും പകർത്തിയ ഇരുവരും ഒന്നിച്ചുള്ള ചിത്രം പങ്കുവച്ച് സച്ചിക്ക് ജന്മദിനാശംസകൾ നേരുകയാണ് പൃഥ്വി.

"ജന്മദിനാശംസകൾ സഹോദരാ. ഇപ്പോൾ നിങ്ങൾക്ക് അവിടെ ഒരു കൂട്ടുണ്ട്.. നിങ്ങൾ രണ്ടുപേരും ഒരുമിച്ച് ഒരു ഡ്രിങ്ക് കഴിക്കുകയാവുമെന്ന് പ്രതീക്ഷിക്കുന്നു. ചിയേഴ്സ്. ഞാൻ നിങ്ങളെ മിസ് ചെയ്യുന്നു സച്ചി", എന്നാണ് പൃഥ്വി കുറിച്ചത്.

ഒന്നും തന്നെ പറയാനില്ല എന്നാണ് അനിലിന് ആത്മശാന്തി നേർന്നുകൊണ്ട് മരണ വാർത്തയറിഞ്ഞയുടനേ പൃഥ്വി കുറിപ്പ് പങ്കുവച്ചത്.

സുഹൃത്തുക്കൾക്കൊപ്പം തൊടുപുഴ മലങ്കര ഡാമിൽ കുളിക്കാനിറങ്ങിയപ്പോൾ കയത്തിൽപ്പെട്ടാണ് അനിലിന്റെ അന്ത്യം സംഭവിക്കുന്നത്. ജോജു ജോർജ്ജ് നായകനായ 'പീസ്' സിനിമയുടെ ഷൂട്ടിങ്ങിനായാണ് അനിൽ തൊടുപുഴയിലെത്തിയത്. സിനിമയുടെ ഷൂട്ടിങ് ഇടവേളയിൽ തൊട്ടടുത്തുള്ള ഡാമിൽ കുളിക്കാനിറങ്ങിയതായിരുന്നു. ഈ സമയമാണ് കയത്തിൽപ്പെട്ടത്.

Content Highlights : Prithviraj About Sachy and Anil nedumangad Ayyappanum Koshiyum Movie


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented