ഡിംപിൾ ഹയാത്തി | ഫോട്ടോ: www.facebook.com/DimpleHayathiOfficial
ഐ.പി.എസ്. ഉദ്യോഗസ്ഥൻ രാഹുൽ ഹെഗ്ഡേയുടെ കാർ തകർത്ത സംഭവത്തിൽ തമിഴ്, തെലുങ്ക് ചലച്ചിത്ര നടി ഡിംപിൾ ഹയാത്തിക്കും പ്രതിശ്രുത വരൻ വിക്ടർ ഡേവിഡിനുമെതിരെ കേസ്. ഹൈദരാബാദ് ജൂബിലി ഹിൽസിലെ വസതിയിലായിരുന്നു രാഹുൽ ഹെഗ്ഡേ കാർ പാർക്ക് ചെയ്തിരുന്നത്. നടിക്കും പ്രതിശ്രുതവരനുമെതിരെ ജൂബിലി ഹിൽസ് പോലീസാണ് കേസെടുത്തത്.
ജൂബിലി ഹിൽസിൽ രാഹുൽ ഹെഗ്ഡേ താമിക്കുന്ന അപ്പാർട്ട്മെന്റിന്റെ പാർക്കിങ് ലോട്ടിൽ വെച്ചാണ് സംഭവം നടന്നത്. വിക്ടർ ഡേവിഡ് ഓടിച്ചിരുന്ന കാർ അബദ്ധത്തിൽ രാഹുൽ ഐ.പി.എസിന്റെ കാറിൽ ഇടിക്കുകയായിരുന്നു. ഇതുശ്രദ്ധയിൽപ്പെട്ട രാഹുലിന്റെ ഡ്രൈവർ ചേതൻ കുമാർ ഇത് ചോദ്യം ചെയ്തു. ഇതിന് മറുപടിയായി ഡിംപിൾ ഹയാത്തി പോലീസ് ഉദ്യോഗസ്ഥന്റെ കാറിൽ ചവിട്ടി. തുടർന്ന് ചേതൻ കുമാർ ജൂബിലി ഹിൽസ് പോലീസ് സ്റ്റേഷനിലെത്തി പരാതി നൽകുകയായിരുന്നു.
ഇന്ത്യൻ ശിക്ഷാ നിയമത്തിലെ 353, 341, 279 വകുപ്പുകൾ പ്രകാരമാണ് ഡിംപിൾ ഹയാത്തിക്കും വിക്ടർ ഡേവിഡിനുമെതിരെ കേസെടുത്തത്. തെലുങ്ക് ചിത്രം ഖിലാഡ്, തമിഴ് ചിത്രങ്ങളായ വീരമേ വാഗൈ സൂടും, ദേവി 2, ബോളിവുഡ് ചിത്രം അത്റംഗി രേ തുടങ്ങിയ ചിത്രങ്ങളിലൂടെ ശ്രദ്ധേയയായ നടിയാണ് ഡിംപിൾ ഹയാത്തി.
Content Highlights: police case against actress dimple hayathi and fiance Victor David, dimple hayathi news
Also Watch
IN CASE YOU MISSED IT
.jpg?$p=1990e2a&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..