എം പത്മകുമാർ സംവിധാനം ചെയ്യുന്ന പത്താംവളവ് എന്ന ചിത്രത്തിന്റെ രണ്ടാമത്തെ പോസ്റ്റർ പുറത്തിറങ്ങി. നി​ഗൂഢതയുണർത്തുന്നതായിരുന്നു ആദ്യ പോസ്റ്ററെങ്കിൽ രണ്ടാമത്തെ പോസ്റ്റർ കുടുംബ പശ്ചാത്തലമുള്ളതാണ്. സുരാജ് വെഞ്ഞാറമ്മൂടും അതിഥി രവിയുമാണ് പോസ്റ്ററിൽ ഉള്ളത്. 

ബിഗ് ബജറ്റ് ചിത്രമായൊരുക്കുന്ന പത്താം വളവിൽ ഇന്ദ്രജിത്താണ് മറ്റൊരു പ്രധാന കഥപാത്രത്തെ അവതരിപ്പിക്കുന്നത്. 

വർഷങ്ങൾക്കു മുമ്പ് കേരള മനസാക്ഷിയെ ഞെട്ടിച്ച ഒരു യഥാർത്ഥ സംഭവത്തെ ആസ്പദമാക്കിയ  ചിത്രത്തിന്റെ തിരക്കഥ ഒരുക്കിയിരിക്കുന്നത് അഭിലാഷ് പിള്ളയാണ്.

യൂ.ജി.എം എന്റർടെയ്ൻമെന്റിന്റെ ബാനറിൽ മുബൈ മൂവി സ്റ്റുഡിയോസുമായി സഹകരിച്ച് കൊണ്ട് ഡോ.സക്കറിയ തോമസ്, ജിജോ കാവനാൽ, ശ്രീജിത്ത് രാമചന്ദ്രൻ, പ്രിൻസ് പോൾ എന്നിവരാണ് ചിത്രം നിർമ്മിക്കുന്നത്. 

ചിത്രത്തിന്റ ഛായാഗ്രഹണം നിർവഹിച്ചിരിക്കുന്നത് രതീഷ് റാം ആണ്. രഞ്ജിൻ രാജ് ആണ് സം​ഗീതം.അജ്മൽ അമീർ അനീഷ് ജി മേനോൻ, സുധീർ കരമന, സോഹൻ സീനു ലാൽ, മേജർ രവി, രാജേഷ് ശർമ്മ, ഇടവേള ബാബു,നന്ദൻ ഉണ്ണി, ജയകൃഷ്ണൻ,ഷാജു ശ്രീധർ, നിസ്‌താർ അഹമ്മദ്‌,തുഷാര പിള്ള, അമ്പിളി, ബേബി കണ്മണി തുടങ്ങിയവർ അഭിനയിക്കുന്നു. 

ചിത്രത്തിൽ അവസാനഘട്ട ചിത്രീകരണം തൊടുപുഴയിൽ പുരോഗമിക്കുകയാണ്. എഡിറ്റർ - ഷമീർ മുഹമ്മദ്‌, പ്രൊജക്റ്റ്‌ ഡിസൈൻ നോബിൾ ജേക്കബ് - , കോസ്റ്റ്യൂം ഡിസൈനർ - ഐഷ ഷഫീർ, ആർട്ട്‌ രാജീവ്‌ കോവിലകം, മേക്കപ്പ് ജിതേഷ് പൊയ്യ, പി.ആർ.ഓ- ആതിര ദിൽജിത്ത്, പി.ശിവപ്രസാദ്

content highlights : Pathaam Valavu Poster Suraj Aditi Ravi Indrajith M Padmakumar