'ഒ.എൻ.വി നമ്മുടെ അഭിമാനം, ഈ ബഹുമതി ലൈംഗികാതിക്രമ കുറ്റം ചുമത്തപ്പെട്ട വ്യക്തിക്ക് നൽകുന്നത് അപമാനകരം'


കഴിഞ്ഞ ദിവസമാണ് ഈ വർഷത്തെ ഒഎൻവി സാഹിത്യ പുരസ്കാരത്തിന്  തമിഴ് കവിയും ഗാനരചയിതാവും നോവലിസ്റ്റുമായ വൈരമുത്തു അർഹനായതിന്റെ ഔദ്യോഗിക പ്രഖ്യാപനം ഉണ്ടായത്..

Parvathy, Vairamuthu

മീ ടു ആരോപണം നേരിടുന്ന കവിയും ഗാനരചയിതാവുമായ വൈരമുത്തുവിന് കവി ഒഎൻവിയുടെ സ്മരണാർഥമുള്ള പുരസ്കാരം നൽകിയതിൽ പ്രതിഷേധം രേഖപ്പെടുത്തി നടി പാർവതി തിരുവോത്ത്. നേരത്തെ ഗായിക ചിന്മയി ശ്രീപദ, നടി റിമ കല്ലിങ്കൽ, ​ഗീതു മോഹൻദാസ് തുടങ്ങിയവർ വിഷയത്തിൽ പ്രതിഷേധിച്ച് രം​ഗത്തെത്തിയിരുന്നു.

"ഒ.എൻ.വി സർ നമ്മുടെ അഭിമാനമാണ്. ഒരു കവി എന്ന നിലയിലും ​ഗാനരചയിതാവെന്ന നിലയിലുമുള്ള അദ്ദേഹത്തിന്റെ സംഭാവനകൾ സമാനതകൾ ഇല്ലാത്തതാണ്. അത് നമ്മുടെ സംസ്കാരത്തെ പോഷിപ്പിച്ചതെങ്ങനെയാണ്... അദ്ദേ​ഹത്തിന്റെ എഴുത്തുകളിലൂടെ നമ്മുടെ ഹൃദയവും മനസും അനു​ഗ്രഹിക്കപ്പെട്ടു.



അതുകൊണ്ടാണ് ലൈംഗികാതിക്രമ കുറ്റം ചുമത്തപ്പെട്ട വ്യക്തിക്ക് അദ്ദേഹത്തിന്റെ പേരിൽ അത്തരമൊരു ബഹുമതി നൽകുന്നത് അപമാനമാകുന്നത്...

പതിനേഴ് സ്‍ത്രീകൾ അവരുടെ കഥ വെളിപ്പെടുത്തിയിരുന്നു. എത്രപേർക്ക് അന്യായം സംഭവിച്ചുവെന്ന് നമുക്ക് അറിയില്ല. അന്യായം ചെയ്യപ്പെടുന്നവരോട് തെറ്റ് ചെയ്യുന്നത് തുടരുകയാണ്. അധികാരത്തിലിരിക്കുന്നവരുടെ പ്രശസ്‍തി ഉയർത്തിപ്പിടിക്കാൻ മാത്രം. മനുഷ്യത്വത്തേക്കാൾ പ്രധാനപ്പെട്ടതായി മറ്റൊന്നുമില്ല. അടൂർ ​ഗോപാലകൃഷ്ണനും ജൂറിയും വൈരമുത്തുവിനെ അവാർഡിന് തെരഞ്ഞെടുത്തതിനെ എങ്ങനെയാണ് ന്യായീകരിക്കുന്നത്?"- പാർവതി സമൂഹമാധ്യമങ്ങളിൽ പങ്കുവച്ച കുറിപ്പിൽ പറയുന്നു.

കഴിഞ്ഞ ദിവസമാണ് ഈ വർഷത്തെ ഒഎൻവി സാഹിത്യ പുരസ്കാരത്തിന് തമിഴ് കവിയും ഗാനരചയിതാവും നോവലിസ്റ്റുമായ വൈരമുത്തു അർഹനായതിന്റെ ഔദ്യോഗിക പ്രഖ്യാപനം ഉണ്ടായത്..

മീ ടു ക്യാമ്പയിന്റെ ഭാ​ഗമായി ലൈം​​ഗികാരോപണം നേരിട്ട വ്യക്തിയാണ് വൈരമുത്തു. ​ഗായിക ചിന്മയി അടക്കം നിരവധി പേർ വൈരമുത്തുവിനെതിരേ ലൈം​ഗികാരോപണവുമായി രം​ഗത്തെത്തിയത് വാർത്തയായതാണ്.

content highlights : parvathy criticize vairamuthu being selected for onv award


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


FIFA World Cup 2022 Argentina vs Mexico group c match

2 min

മെക്‌സിക്കന്‍ പ്രതിരോധക്കോട്ട തകര്‍ത്തു; ജീവന്‍ തിരികെപിടിച്ച് മെസ്സിയും സംഘവും

Nov 27, 2022

Most Commented