കുടുംബത്തിലേക്ക് കുഞ്ഞതിഥി എത്തി; ആദ്യത്തെ കണ്മണിയെ വരവേറ്റ് നീരജും ദീപ്തിയും, Neeraj Madhav

23 February 2021, 10:18 AM IST

ഏറെനാളത്തെ പ്രണയത്തിന് ഒടുവിൽ 2018ലാണ് നീരജും ദീപ്‍തിയും വിവാഹിതരാകുന്നത്.

Neeraj, Deepthi

നടൻ നീരജ് മാധവിനും ഭാര്യ ദീപ്തിക്കും പെൺകുഞ്ഞ് പിറന്നു. നീരജ് തന്നെയാണ് സന്തോഷ വാർത്ത സമൂഹമാധ്യമങ്ങളിലൂടെ ആരാധകരുമായി പങ്കിട്ടത്.

ഏറെനാളത്തെ പ്രണയത്തിന് ഒടുവിൽ 2018ലാണ് നീരജും ദീപ്‍തിയും വിവാഹിതരാകുന്നത്.

മികച്ച നർത്തകൻ കൂടിയായ നീരജ് 2013ൽ പുറത്തിറങ്ങിയ ബഡ്ഡി എന്ന സിനിമയിലൂടെയാണ് അഭിനയരംഗത്തേക്ക് എത്തുന്നത്. ദൃശ്യം, സപ്തമശ്രീ തസ്കര:, കുഞ്ഞിരാമായണം എന്നീ ചിത്രങ്ങളിലൂടെ പ്രിയങ്കരനായി. നിവിൻ പോളി നായകനായ വടക്കൻ സെൽഫി എന്ന സിനിമയിൽ നൃത്ത സംവിധായകനായും നീരജ് പ്രവർത്തിച്ചിട്ടുണ്ട്. 2017 ൽ പുറത്തിറങ്ങിയ ലവകുശ എന്ന സിനിമയിലൂടെ തിരക്കഥാ രംഗത്തും നീരജ് ചുവട് വച്ചു. ബോളിവുഡ് വെബ്സീരീസായ ദി ഫാമിലി മാനിലും നീരജ് വേഷമിട്ടിരുന്നു.

റാപ്പ് ഗാനങ്ങളൊരുക്കിയും നീരജ് ശ്രദ്ധ നേടിയിരുന്നു. ആദ്യം പുറത്തിറക്കിയ ‘ പണിപാളി’ എന്ന റാപ്പ് ഗാനം ഇന്ത്യയ്ക്കകത്തും പുറത്തും വൈറലായി മാറി.

Content Highlights : Neeraj Madhav and deepthi blessed with baby girl