ഹാരിസ് ജയരാജും കുടുംബവും, ഹാരിസ് ജയരാജ് | ഫോട്ടോ: twitter.com/home, വി. രമേഷ് | മാതൃഭൂമി
തെന്നിന്ത്യയിൽ ഏറെ ആരാധകരുള്ള സംഗീതസംവിധായകനാണ് ഹാരിസ് ജയരാജ്. മിന്നലേയിൽ തുടങ്ങിയ അദ്ദേഹത്തിന്റെ സിനിമാ ജീവിതം 21 വർഷം പിന്നിടുകയാണ്. ഹാരിസിന്റെ 48-ാം പിറന്നാളാണ് കഴിഞ്ഞദിവസം കടന്നുപോയത്. പിറന്നാളിനോടനുബന്ധിച്ച് അദ്ദേഹം ട്വീറ്റ് ചെയ്ത ഒരു ചിത്രം ആരാധകർ ഏറ്റെടുത്തിരിക്കുകയാണ്.
കുട്ടിക്കാലത്ത് അച്ഛനും അമ്മയ്ക്കും സഹോദരിക്കുമൊപ്പം പകർത്തിയ ഒരു ചിത്രമാണത്. രണ്ട് വയസുമാത്രമാണ് ഈ ചിത്രമെടുക്കുമ്പോൾ തനിക്കുണ്ടായിരുന്നതെന്ന് ഫോട്ടോയ്ക്കൊപ്പം ഹാരിസ് കുറിച്ചു. ഇന്ന് ഈ നിലയിൽ എത്താൻ തന്നെ സഹായിച്ച അച്ഛനോടും അമ്മയോടും നന്ദി പറയാനാണ് പിറന്നാൾ ദിവസം ആഗ്രഹിക്കുന്നത്. എന്റെ അച്ഛൻ എന്നെ സംഗീതം പഠിപ്പിച്ചു, എന്റെ അമ്മ എന്നെ സ്നേഹം പ്രകടിപ്പിക്കാനും വിനയം കാണിക്കാനും പഠിപ്പിച്ചു. ഹാരിസ് കൂട്ടിച്ചേർത്തു.
2001-ൽ ഗൗതം മേനോൻ സംവിധാനം ചെയ്ത മിന്നലേയിലൂടെയാണ് ഹാരിസ് ജയരാജ് സംഗീതസംവിധായകനായി അരങ്ങേറുന്നത്. തുടർന്ന് നിരവധി ചിത്രങ്ങളിലൂടെ അദ്ദേഹം പ്രേക്ഷകമനസുകളിൽ ഇടംപിടിച്ചു. 2022-ൽ പുറത്തിറങ്ങിയ ലെജൻഡ് ആണ് ഹാരിസ് തമിഴിൽ ഒടുവിൽ സംഗീതസംവിധാനം നിർവഹിച്ചത്. എങ്കേയും കാതൽ, സിംഗം 3 എന്നീ ചിത്രങ്ങൾക്കായി ഗാനരചനയും നിർവഹിച്ചിട്ടുണ്ട് അദ്ദേഹം.
തമിഴിൽ ജയം രവി നായകനാവുന്ന ഇനിയും പേരിട്ടിട്ടില്ലാത്ത ചിത്രമാണ് ഹാരിസ് ജയരാജിന്റേതായി വരാനിരിക്കുന്നത്. തെലുങ്കിൽ നിതിൻ നായകനാവുന്ന പുതിയ ചിത്രത്തിന് ഈണമിടുന്നതും ഇദ്ദേഹമാണ്.
Content Highlights: music director harris jayaraj shared a rare picture of his family, harris jayaraj birthday
Also Watch
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.png?$p=24a34d7&q=0.8&f=16x11&w=104)
.png?$p=a8a5e14&q=0.8&f=16x11&w=104)
.png?$p=b15303e&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..