-
''പഠനത്തിന് പ്രായം പ്രശ്‌നമല്ല, എന്തെങ്കിലും പഠിക്കണം എന്ന് നിങ്ങള്‍ ആഗ്രഹിക്കുന്നുവെങ്കില്‍ പ്രായമായെന്ന് പറഞ്ഞ് നിരാശപ്പെടരുത്'' - ഈ വാക്കുകള്‍ പറയുന്നത് ബോളിവുഡ് നടനും പ്രശസ്ത മോഡലുമായ മിലിന്ദ് സോമനാണ്. 54-ാം വയസ്സില്‍ കാറോടിക്കാന്‍ പഠിച്ചതിന്റെ ആത്മവിശ്വാസത്തിലാണ് മിലിന്ദിന്റെ വാക്കുകള്‍. പൂര്‍ണ പിന്തുണയുമായി ഭാര്യ അങ്കിത കോവറും അദ്ദേഹത്തോടൊപ്പമുണ്ട്.
ലൈസന്‍സ് എടുത്തതിന് ശേഷമുള്ള ആദ്യയാത്രയില്‍ 100 കിലോമീറ്റര്‍ വേഗത്തില്‍ മിലിന്ദ് കാറോടിച്ചുവെന്ന് ഭാര്യ അങ്കിത ഫെയ്‌സ്ബുക്കില്‍ കുറിച്ചു. കാറോടിക്കുന്ന മിലിന്ദിനൊപ്പമുള്ള സെല്‍ഫിയും അങ്കിത പങ്കുവച്ചു.
ഇന്ത്യയിലെ ഫാഷന്‍ മേഖലയില്‍ 1990 കളിലെ തിളങ്ങുന്ന താരമായിരുന്നു മിലിന്ദ് സോമന്‍. സൂപ്പര്‍ മോഡല്‍, നടന്‍, ഫിറ്റ്നസ് പ്രേമികളുടെ മാതൃകാ പുരുഷന്‍. കാമസൂത്ര ഗര്‍ഭനിരോധന ഉറയുടെ വിവാദപരസ്യത്തിലെ നായകന്‍ എന്നിങ്ങനെ അദ്ദേഹം അറിയപ്പെടുന്നു. ചിട്ടയായ ജീവിതവും വ്യായാമവും അദ്ദേഹത്തെ ആരോഗ്യവാനാക്കി നിലനിര്‍ത്തുന്നു.
കഴിഞ്ഞ വര്‍ഷമായിരുന്നു മിലിന്ദ് സോമന്‍ സീനിയര്‍ ഫ്ലൈറ്റ് അറ്റന്റന്റ് ആയിരുന്ന അങ്കിതയെ വിവാഹം കഴിച്ചത്. 26 വയസ്സുള്ള അങ്കിതയും 52 വയസ്സുള്ള മിലിന്ദും തമ്മിലുള്ള വിവാഹം ചിലരുടെ നെറ്റി ചുളിപ്പിച്ചു. സാമൂഹിക മാധ്യമങ്ങളിലൂടെ അവരെ അധിക്ഷേപിച്ചവരും ചില്ലറയല്ല. വിമര്‍ശകര്‍ക്ക് നല്ല മറുപടി നല്‍കി അങ്കിതയ്‌ക്കൊപ്പം ജീവിതം മുന്നോട്ട് നയിക്കുകയാണ് മിലിന്ദ്.
Content Highlights: Milind Soman learns driving at 54 wife Ankita Konwar shares happiness
Also Watch
RELATED STORIES
IN CASE YOU MISSED IT
.jpg?$p=e1effa9&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..